千萬不要在「德安」學車

網誌分類：新婚生活 |

網誌日期：2008-10-10 14:52

點解我既學車生涯咁辛苦？我好後悔冇搵「香港駕駛學院」學車……(=.=")因為我發現我奶奶啦，我所有同事啦，都係係個度學，全部一take pass！雖然人地話只係教你考試技巧，實質係唔識揸車架d學生，不過我而家最重要係考到個牌先嘛！車可以慢慢練架je！

間死人「德安駕駛學校」！d師父惡到死！又鬧人！我黎學車je！駛唔駛受你氣呀！

話說尋晚我打去俾教車師父，打算取消今晚個堂，點知佢態度唔友善咁話︰「唔可以取消喎！行有行規呀小姐！妳都唔夠24小時前通知！」我只不過係遲左小小咋嘛！咁都唔可以取消？！之後我話︰「咁我打去同學校講啦……」個師父超級唔好老脾咁話︰「咩話？！妳講咩話？！」呢個時候居然扮撞聾……(-.-")佢又話︰「就算取消都要計錢喎，妳黎唔黎上堂呀而家？！」我最後當然係好斯文咁傾唔掂收左佢線啦……

之後無論點打佢地個24小時熱線都冇人聽……死未……

老公覺得唔會取消唔到，已經早一晚打去取消啦，咁都話未夠24小時？！咁平時d師父都未夠鐘就落堂啦！！

仲有，尋日無啦啦第一個教車師父打黎問我做咩唔學車……傻架咩，冇人通知佢我轉左師父……咩學校黎架！！

終於今朝老公幫我打電話去學校嘈，學校話打俾師父講，之後等學校電話，但係到而家都未打黎……

我地唔理喇！又唔係冇早通知！以後都唔搵「德安」補鐘喇！間野癡線架！

老公今次又幫我解決左問題，今日佢係我既英雄~~~(*o*)v

引用(0)

共3個回應

檢舉
1981 2008-10-12 11:08

去試下我以前學個師父度補, 好好多

花

檢舉
細Win2008-10-12 11:33

個師父係咪老餅黎架？會唔會一做錯就鬧？
檢舉
好利威威 2008-10-10 21:02

小弟做學神時,跟車見過有人"小"那個師傅....師傅為飯碗忍佢....

咁快...有冇後備計劃啊.....

檢舉
細Win2008-10-10 21:31

你都係係「香港駕駛學院」度學架咩？個師父居然冇還口？我既後備計劃就係去美國考，哈哈~~~
檢舉
好利威威 2008-10-10 17:09

算啦..一分錢一分貨,係香港駕駛學院只會見到師傅被人"小"的....

幾時考路試啊?...

檢舉
細Win2008-10-10 17:19

乜「香港駕駛學院」d師父會俾人鬧架咩？我係俾「德安」d師父鬧咋喎，我唔識先學咋嘛，又話我唔聽教，我唔熟咋嘛，成日俾佢地老屈我，我一星期先學一堂，每次開車梗係有d唔順架啦，又話我唔俾心機學咁，超無奈！

我10/20考喇~~~殺到黎……我仲係一舊飯咁……我岩岩先學晒……好鬼趕……

新增回應

看電影也有感動事

網誌分類：新婚生活 |

網誌日期：2008-10-09 15:11

真係感觸良多，尋晚同老公去睇「畫皮」，有小小作感冒，需要飲水送藥，奈何已經進入戲院，大家都知道旺角百佬匯既小食部係樓下，買水要落到最低層，我一話想飲水，老公馬上毫無怨言咁幫我買...

回應(6) | 引用(0)
困擾我的兩件事

網誌分類：我的日常生活 |

網誌日期：2008-10-02 17:32

最近困擾我的有兩件事，一是考車，二是美國簽證。日有所思夜有所夢，前兩天夢到自己去考車，真的很傻啊我。一take pass的壓力太大，一開車就緊張得要死，不是忘記拉手掣...

回應(4) | 引用(0)
2008年的國慶做過甚麼？

網誌分類：新婚生活 |

圖片
網誌日期：2008-10-01 21:44

今天其實沒有發生開心 & 不開心的事情，理應該不記下來的，不過今晚有點時間，就寫寫吧。下午約了晴晴他們去旺角的「沙嗲王」吃個午飯，然後我們一起去「海洋公園」拿票，小亮買了門票讓他...

回應(2) | 引用(0)
S位泊車

網誌分類：新婚生活 |

網誌日期：2008-09-30 11:58

昨晚學會了「s」位泊車，雖然開始時聽不懂師父的講解，後來錯多了幾次後，終於在一堂內學懂！我是機器白癡，你跟我說再多，我也聽不懂的，唯有不斷嘗試，我才明白怎樣做。 ...

回應(3) | 引用(0)
3手回軚

網誌分類：我的日常生活 |

網誌日期：2008-09-24 23:57

第一次學吊極礫子，做得好差，架車不受控制，做3手回軚，老公話踩油就ok，問題係考試時只可以用極礫子&剎掣去做3手回軚，比我想像中困難…… 一做錯個師父又係狂丙，好在師父係為我好，我知道...

回應(5) | 引用(0)
小亮家族的麻煩事

網誌分類：新婚生活 |

網誌日期：2008-09-23 22:16

今日又掛8號風球，不過係6:00先掛，老闆5:00先肯俾我地返屋企，政府都建議4:00開始走啦，呢間公司真係……可惜我太多野做，結果都係6:00走…… 奶奶提議今晚去樂富食上海野，真係好掂，間野值得...

回應(2) | 引用(0)
My Lucky Day

網誌分類：我的日常生活 |

網誌日期：2008-09-23 00:30

今天很幸運，首先barry願意幫忙出一封在職證明給我，這樣子就算領事館問起，也可以拿出來給他們看。然後小亮跟我的i-20都已經被安排寄出給我們了，想不到這麼快啊。晚上超緊張的學車，居...

回應(2) | 引用(0)
白走一趟的深圳半日遊

網誌分類：新婚生活 |

圖片
網誌日期：2008-09-21 22:04

9/18，我向公司請了一天假，目的不是旅遊，是到大陸把我戶口的錢取出來作美國簽證之用，小亮提議到深圳提取，因為比較方便，結果我們早上到深圳去了。來到羅湖城，先吃個lunch，剛好沒有甚...

回應(0) | 引用(0)
中秋節翌日

網誌分類：新婚生活 |

圖片
網誌日期：2008-09-21 21:47

由於中秋節正日在長隆渡過，慶祝中秋節改為翌日。當日下午小亮帶我到西環跑了幾條街才買到兩隻兔仔燈籠，彩色的賣20元(送一盒蠟燭)，白色的賣30多元，說彩色的已經售賣完畢。我的兔仔...

回應(1) | 引用(0)