台北青樺婚照 － Day 1

hea o左幾日，都係乖乖地補番個遊記先。唔係以 wo o既記性，唔記得發生咩事o架啦

10 點幾機，8 點要去到機場 pick up o的機票，仲早過返工呀 。呢兩個人係 wo 同 ss o黎o架 。第一次同大家 "見面"，其實唔知點解影到張咁O既相

去到台北桃園國際機場。國光客運個 booth 比較隱蔽。之前都唔知佢o係邊個位。剩係見到好多人排隊，於是就發揮香港人精神，排O左先唔好執輸。係排排下先知O個度有飛賣 。張飛就好平，around HKD30，都要坐成個鐘先去到台北車站。不過O的巴士就唔係好得，好殘呀～ 沿途會經過中山北路，即係佢地O既婚紗街。

我地今次住台灣四季飯店O既皇家館。門面就唔係好 fancy o架啦，不過間房就真係幾得！相當大，個 bathroom 都好大。O的細微O野例如毛巾，紙巾套，complimentary toileteries 就出奇地 "骨子"。地點就麻麻啦，唔近捷運，雖然佢有 one－way free shuttle 可以載你去台北車站同中山站。個地點唯一o既好處就係都算好近婚紗街。我地都好趕，check in 已經 2 點，但係青樺就 expect 我地 2 點去到開始揀衫。拿拿臨跳o左上架的士。點知坐的士好平，都唔使 NTD100 （～HKD 25） 就到，而且 10 分鐘都唔使。2 點 9 落樓，即刻有的士，3 點未夠就到。因為太趕！ wo 一跳落的士就撞o左入間婚紗舖。ss o係後面又跟住 wo 入o左去。點知。。。原來。。。入錯o左隔離o個間 。真係面懵到爆炸

酒店o既早餐。OK 啦，唔難食，但係唔可以話好食囉～ 而且o既作風比較小家。唔係 buffet breakfast，而係要之前o個晚揀定你第二朝想食乜，跟住第二朝就 serve 俾你咁。我未試過住間酒店係咁～ 餐券唔奇，但係通常o個張係入場券俾你入去食，而唔係 "換領券"。我地係影相o個朝食o左一次o乍～ 唔係太精彩，之後o個兩日都無再特別早起身去食。

o係青樺報到o左因為我地未食 lunch，就諗住去附近食o的o野。佢地介紹我地去青樺同凱瑟琳中間條巷仔有間日本麵舖，但係當時 3 點幾人地已經落o左場。台北都係比較靜。唔係正常食飯時間唔係好多舖頭開。結果我地千里迢迢去到台北第一餐係食 KFC 。其實如果大家o係附近搵食o既話，沿住o個條巷仔直行到尾會 join 番條大街。o個條街都好多o野食。

求其食o左o的o野之後就去o左佢地o既禮服部。係o係隔幾個舖位o既一座門面較舊o既 building 入面o既 11／F。揀衫詳情下篇講～

我諗我地都唔算揀o左好耐。成 4 點先開始，8 點未夠已經走。跟住康泰免費送o既一本旅遊書去搵牛肉麵食。點知個地址係錯o既 ！！！架的士兜左一大輪，我地都打算放棄，叫個司機叔叔隨便放低我地。點知個叔叔超級極之好人！我地俾晒錢落埋車閂埋門，佢叫番我地上車，話佢諗諗下知道點解搵唔到，咩一段二段咁。佢話唔收我地錢兜番我地去。我地於是又上番車。點知去到o個個地址係一跳非常 residential o既巷仔，一o的都唔似有舖頭。去到街尾 ss 突然諗到不如睇番另外一頁好似有個地址。即管對一對啦～ 果然！個地址係唔同o既！！！仲有個電話。司機叔叔即刻幫我地打佢個電話去問清楚，然後再載番我地去。都係唔收錢！非常感激呀！結果都順利去到食呢間永康牛肉麵。都不枉我地搵o左咁耐。真係好好味！ss 叫o左一個紅燒牛肉麵，wo 要o左一個紅燒牛根麵。

食完飯就返o左酒店沖涼 zzz，預備第二日影相。

好衰唔衰，竟然 wo o個晚訓得唔係幾好！唔知點解，wo 已經訓練到唔會怕生保床唔會怕陌生地方，黑呀o個o的。唔通真係心情緊張？第二朝起身都幾 "支力"～

同場加影：wo 就係做o左呢個好簡單好 natural o既甲去影相。我覺得做得好滿意呀！o係銅鑼灣好方便，價錢都 OK，打算 bd 做番類似o既。點知返o黎後 mm 見到話有條白邊唔好，bd 唔好做呢個喎  咁呢種係咁o架下話？？？ 咩唔好？唔知喎～ 好多謝 J 記得幫 wo 問個同事。實在我自己都唔記得o左我叫o左佢幫我問