網誌分類：賽馬 |
牛年最後一次賽事今晚上演，要標番個尾會，搵個錢擲袋過年。六環同3T都有多寶，祝大家好運。
講番啲馬，今晚追捧兩隻新勝馬，分別係第4場4號「引伸波幅」同第5場6號「發達心聲」。「引伸波幅」今季已兩W，上仗跑谷草一哩，贏馬姿態十分輕鬆，表現進步咗好多。馬房都急不及待一個禮拜後安排隻馬同程出擊，安哥都想搵番啲錢過年，阿滇仔細老婆嫩，一定搏命。
「發達心聲」可謂谷草一哩專家，同程8戰得2冠4亞1季1殿，準繩得可愛。上仗終於征服三班，前仗係佢後面過終點嘅「一團威」再出都補中，證明唔係符碌。過年最緊要好意頭，「發達心聲」正好代表大家嘅心聲。
最後，趁今日年廿七，先同大家拜個早年，祝大家虎年虎虎生威，男嘅鞭鞭有力，女嘅人見人愛。當然仲要馬運亨通，出入平安，心想事成。恭喜恭喜。
girlgirl100.jpg
girlgirl68.jpg
girlgirl67.jpg
