喜愛獨處..

今日又去食好味既稻穗亭魚生魚子定食，呢次有帶相機。影留俾大家睇吓。

三文魚頗新鮮，大大碗食到好飽，仲有我至愛既沙律，雪糕於餐後送上，承惠一百二十個大洋。

後遺症: 由於食得好飽，整個下午係公司長期處於昏昏欲睡狀態。

................................................................................................

我好享受而家既生活。

可以同自己喜歡既人一齊生活之餘亦有好多自由既空間。某程度上，我好享受獨處既時間，可以睇下書、聽下歌、做自己鐘意做既事。

我唔太鐘意孖公仔既人生活，我唔應為結左婚只得以下幾個 options : 

1. 一齊返自己 / 老公屋企

2. 一齊出席自己 / 老公朋友 or 同事聚會

3. 一齊 xxx  一齊  yyy 一齊 zzz  一齊 乜乜乜 一齊 物物物 一齊..................

我唔係跟德夫人，亦都唔願意做跟德夫人。更討厭係人地面前扮賢良淑德，因為我根本唔係。可能我係太自我，但我唔想做既野我係唔會迫自己做的。

................................................................................................

大王同事想學織蝴蝶巾，好耐無織野我當然要練習下先教人啦。

水準都 keep 到，不過不失 la..