加州疑似小偷事件

其實, 已經聽過好人講好多次係旺角加州唔見野.

今晚放工去左旺角加州跑步, 跑完去沖身. 去番自己locker 拿野時, 突然, 後面有個四十歲肥胖身型男人出現, 企係我隔離.......

我都心知不妙, 因為呢個人都唔係第一次係咁, 上次佢又係企係我後面(貼一貼咁), 等我個locker, 仲要一個人霸哂一排locker, 真係有d問題. 上次我都同reception投訴過呢個人, 不過好似無人理.

今次我唔理佢, 慢慢執野, 佢就愈企愈近. 我問佢做咩, 佢話: 我想用你個locker. （頂，大把locker都無人用, 點解要用我果個?)

我又唔理佢, 佢企得仲埋, 叫我: "你快ｄ拿哂ｄ野出黎俾我用啦！"我就大叫, "你係唔係想偷野呀? 你唔係第一次咁樣啦wor!" 之後, 有個清潔工經過, 佢完全ignore!!! 我又大叫: "唔該, 有無security, 有人想偷野!"

剛巧有個教練經過, 佢問我咩事, 我問, "有無security?"佢話:"無wor" 果男人就即走開, 唔知去左邊? 我都好無奈, 只好係度同個教練講, 你地完全ignore呢d可疑人, 唔怪得咁多人俾人偷野啦!

著好衫, 我就走去reception發揮我的complaint 本色, 同reception投訴有個可疑人, 點解加州可以俾d 咁既人入黎. 其實, 根本加州就知道有個咁既人, 不過一直都扮睇唔到. 唔怪得加州成日有人偷野啦!

而家個reception姐姐話佢會follow up, 會report俾個經理. 都係聽住先啦, 佢地都會繼續當無事發生. 我好肯定都唔會係我一個人投訴.  

我想下, 其實佢有可能霸哂d 當眼的locker, 逼人用d鬼祟位locker, 佢就有機會偷野....

下次去加州, 看緊自己既財物啦!