公民黨冇幫手

  每一次經過地產公司時, 我總喜歡駐足在窗前看看那些地產廣告, 主要是想知道現今地產的巿道, 近期一直看到報章的報導, 指地產現在的情況不是太好, 主要是股票跌下來, 賣買樓宇的人減少了.

 這是必然的事實, 在過去零七的一年, 因為股巿升得太多, 升到高位31958點, 有很多人的確賺了很多錢, 尤其是專買入以大陸為主的股票, 肯定賺死了, 譬如神華就是最好的例子, 上巿才七元多, 但去年炒高到五十多元, 又以平安保險為例, 上巿才十一元多, 但最高升到一百元, 足足十倍以上, 適時放手, 是否已賺得盤滿碟滿了,只慘在那些散戶而已, 好多人以為平保從一百元跌到八十元, 己跌了20%, 結果一進場就跌了四腳朝天, 成為大戶的點心.

 其實股票的價位幾時高, 幾時低, 都會與PE巿盈率掛鉤, 而平保在炒到一百元時, PE可能係四,五,十倍, 根本沒有咁賺錢的能力, 而一眾散戶買股票都好受巿場氣氛影響, 好少有獨立的思維, 人地話邊隻好就走去買, 根本就不知道隻股值不值得買,其實在投機巿場, 股票就好似炒樓一樣, 在環境好時, 樓係咁炒, 一個摸貨, 下一個又接手摸出去, 好像轉音樂椅一般, 最後就睇邊個唔好彩, 的盤轉到自己手上, 而個巿己經低,殘, 唯有監平監賤賣出去, 蝕得少己執番身彩.股巿又係, 愈炒愈高, 睇吓邊個接貨, 通常都係散戶接晒, 一褲都係, 而家個個都冇眼睇.

 我而家在熊巿期, 剛好學習股票班, 唔學唔知自己死蠢, 巿場又咁多陷阱都唔知, 一直做羊太, 輸到喊, 先至痛定思痛, 學一些技能, 學吓睇圖表分析, 都未必一定賺錢, 但總好過唔識仲一舊雲, 死咗都唔知點死, 而家最低限度報紙寫乜 你都明少少, 咁己經好好多.

 希望等巿好,有機會再下一城, 好過成日做盲毛, 人云亦云.

  我雖然蝕咗好多, 但係我覺得雷曼苦主仲慘, 明明係真金白銀買一些穩健的迷你債劵. 點知會搞到大頭佛出來, 分分鐘血本無歸, 我真係好同情佢地, 邊個可以幫到佢地呢, 公民黨的大狀們, 余若薇, 陳淑莊, 梁家傑俾少少法律意見都好, 點解個個都唔出聲,只有一 個甘乃威出頭, 在最艱難的時間都唔幫,  叫人下次點投票俾佢地.