技術分析攻略

 好久沒與大家傾偈了, 因為近日比較忙, 忙乜呢, 忙學股票投資,如果你有興趣學吓金融投資, 又不想做乜都不懂的散戶, 我很提議大家買本書學一學, 這本就係林瑞芬著的{技術分析攻略], 你們一定會問我, 學了有什麼好, 好處就太大了, 以前真不懂才搞到蝕大本, 現在懂了, 最主要是不會在高處入貨, 因為你自己學了之後, 就可以睇圖表, 還有一些技術指標, 就等如有一技傍身,

 尤其是現在, 正處於熊巿階段, 未係入貨的時間, 最好就是利用這個時間來學習, 當然, 如果只是看書, 又可能未必識得, 但手上拿了一本書, 多看看, 心中己先有一個概念, 然後就開始留意一些報上的專欄, 多睇人家點寫分析, 這些財經專家, 點解知道邊個位入貨, 邊個位出貨, 其實佢地亦係看圖識字, 睇圖表來分析, 再加上一些經驗, 自然就講到口若懸河了,

  唔係話專家的話不要聽, 但自己識得睇圖表, 識得分析形態, 然後再對下專家所講的話, 就可以心裏有數了.千萬不要說:[我又不炒股票, 又不炒期指, 我駛乜識呢.]如果你咁講, 我就覺得你唔長進, 現今這個時代, 人人都要學識理財, 個個人都講究退休之道, 理財的智慧更要從後生開始, 否則以香港目前的福利, 冇人養你過世呀.

 我而家才開始學, 真係可以話連一滴墨水都冇, 不過我己報名學習, 成萬多元學十堂, 也許你們說好貴喎, 或者真係貴些, 但這是終身受用, 好多人蝕都唔止蝕萬幾元啦, 我俾這些學費比得好甘願, 將來可以避免我一直只做散戶, 乜都語識, 難道還一直要聽消息咩.如果有消息都係事後孔明啦.

 如果有朋友問我€ 我一定推薦他們入門看林瑞芬的書, 她也在經濟日報寫稿, 這本書己印了十三版, 証明好多人睇, 初學者更應該睇, 因為是入門之作, 不要放棄增值自己呀, 做人冇人可以幫你, 只有自己幫自己,

  我有一些朋友都臨近退休階段, 我都勸他們要學吓, 或者搵少少當駛費都好呀, 反正錢要好似水咁, 流動緊才好, 不要做一池死水.但那一注本錢就要好小心處理, 心中有個底, 識少少都保障到自己.當然如果識埋睇年報就更好啦, 下次再傾.