投票俾邊個好?

  最近日日除了看奧運之外, 就要睇吓今年的立法局選舉, 終於成日都要聽到一班人嘈吵的聲音, , 不過, 點都比較台灣的立委們好得多, 因為香港人總係比較斯文一些, 除咗嗌交, 靠大聲之外, 始終都未郁手打架, 而台灣在立法院打到頭崩額裂, 真係羞家得緊要.

 至於自己手上的一票, 究竟要投給那一個, 真係頭都爆埋, 認真講, 真係唔知邊個政績比較好喎, 每一次都因為爭票, 拜票 在八月時, 個個候選人都周圍去講解自己的政綱, 又個個都話自己可以幫到一些巿民喎, 尤其是九龍西, 因為是貧窮綫下的居民多, 於是 個個打經濟牌, 講真啦, 我又真係唔覺佢地幫到巿民乜嘢喎.

 反而覺得佢地個個言之無物, 就算講都係齋講冇乜行動, 混咗四年, 真係要幫人, 好似睇唔到喎.叫我們這些巿民如何放心投票呢.好似長毛咁, 就成日識去示威, 除了示威, 咁有乜嘢可以幫到人呢, 呢樣才是關鍵,真係睇到佢地個樣都有啲煩.

 如果要投票, 我或者會投一票給黃毓民, 因為佢把聲夠大, 對住民建聯仲有得撑呀,, 否則有民建聯講冇人講又點得呢,選舉呢家嘢, 有時是情緒主控, 好似當年的陳水扁, 因為國民黨太過貪污, 才給他有機可乘, 搶了好多票源, 才成為今日台灣之恥.

 一個人點可以貪成咁, 仲將問題推晒給吳淑珍, 雖然佢都唔係好人一個,亦好識以權謀財, 而台灣又的確係禮儀之邦, 好識送禮, 咁第一夫人開到口, 唔通唔送咩, 而且一定有著數, 出多少少, 得到多多, 台灣企業更加識得枱底交易啦,所以才搞到阿扁一家胃口大開, 呢單嘢肯定屎愈揭愈臭, 佢地一家人洗定個八月十五坐監好過了.

 四年前, 鎗擊案發生, 我己經預言, 睇你阿扁好得幾耐, 始終有一日要坐監, 呢個日子終於來到了, 睇吓台灣人仲會不會撐佢, 肯定和他劃清界綫, 否則容乜易都俾人覺得都係貪贓枉法呀,

  再講埋他的女兒陳幸妤, 其潑辣亦令人眼界大開, 次次都好似癲咗咁, 今次佢要爆大鑊, 相信好多綠營驚咗佢, 個個都身有屎, 假道學,

 唔知馬英九點樣處置阿扁, 估計佢全家唔坐十年, 都冇乜人肯過佢呀.