藏地密碼

  香港開Blog真係不夠大陸fight, 好多有名的藝人在網上開自己的部落格, 可以吸引到幾萬或幾十萬人睇, 而香港呢, 可能有一萬幾千己經係好緊要了, 講到網上的發揮功能, 香港真係比不上台灣及中國大陸, 以小說為例, 近期已有很多小說家在網絡上發表小說, 一下子就有成千萬的點擊率, 好快又做就了一個作家出來.

  今年我在書店買了三本書, 其中的{藏地密碼}, 由何馬所著, 有上下兩冊, 又係講西藏故事, 點樣追尋藏傳佛教的千年秘史, 特別引起好多人來看, 一出版就賣咗四十萬冊,我都係無意中看到書攤上有此書, 順手買下來看, 啱啱才看完了一集, 還有下集要繼續追.

 去年大陸最賣得版權費多達一千萬, 就是年輕人作家郭啟明, 我看過他的書, 以年青人的愛情為主, 或者啱大陸年青人口味, 但近年來, 又多了人看西藏的故事書, 其中最吸引的自然是楊志軍的藏獒,一連三冊, 然後就是范穩的{藏巴拉}, 我又在書局買咗他另外一本{藏三寶}都好好睇呀,

  其實看書真係最平宜的娛樂, 廿幾元, {人民幣}己經帶你遊遍大江南北了, 講到文學修養, 都係中國大陸的作家好一些, 擅用文字, 香港人真係差好幾皮, 能看簡體字, 一定要買大陸作家的書來看, 中文程度都會進步得多.

 近年我又愛追看盜墓的小說, 又以天下霸唱作的{鬼吹燈}系列, 吹起一陣熱潮, 幾乎人手一本,杜棋峰又話要改編上銀幕, 睇小說就話好看, 睇戲就唔知好唔好睇呢, 因為寫可以寫到生花妙筆, 但 係拍就要好多特技, 好似Mummy, 先至有氣勢.但係邊個演男主角及肥仔呢, 還有Shirley楊, 香港的演員賣少見少喎.