帶眼識人

   感情對女人來說, 真係好重要, 好多人就係過不到情字的一關, 好多人在感情遇到障礙時都會去問下人家的意見, 其實問還問, 根本好多人會自己有一套想法, 問人只係想傾吐下而已, 並不會聽人家的意見.

  有唔少女人 因為識錯對象, 成為寃魂, 一些係俾男人殺死, 而一些係因為男人變了心, 受情所困, 而用死的方法, 搞到大家兩敗俱傷, 總之生前搞唔掂對方, 死都要令對方內疚, 除了自己死, 忡要攬埋個仔女一齊死, 等你花心, 連仔女都冇埋,

  人有咗報復心理, 真係非常恐怖, 自然會做出好多傻事出來, 而罔顧後果, 亦不會想到咁樣做對孩子的傷害有幾大, 坦白說, 生得出來, 就要養及教育, 不是任得人做復仇的對象.

  一些女仔拍拖, 真係要帶眼識人, 如果遇到唔好的男仔, 譬如精神有問題的, 就要小心了, 尤其一些非常痴心的男仔, 佔有慾強, 表面好似好愛你, 好似有咗你唔得, 如果兩個人一直好下去, 當然無所謂, 但係感情會改變時, 個男仔就會癲狂, 做出傷害的行為.

 有時這些傷害如果要發生, 真係避都避不到, 啱啱遇著剛剛, 就會死無完膚, 咁樣被傷害真係好慘, 所以女仔首先要避免出事, 就係不要玩弄愛情, 而且真係要睇清楚, 了解對方才可交往, 免得自己成為亡下之魂.