港人公僕, 何來私隱

  本來我是從來不喜歡講政治, 可是說是政治冷感, 但是曾特首搞了一班副局長出來, 又真是不講不快呀.

講真, 他用私隱來不肯透露新政治班子的薪,酬, 令普羅大眾嘩然, 簡直豈有此理, 連胡錦濤同溫家寶主席都要公布薪酬, 特首幾錢一個月, 全香港都知, 真唔明一班政治新人又何來私隱可言,就算不是問責官員, 都係公僕, 大佬, 佢地只不過是人民的公僕, 幫我們巿民打工而已,唔肯公布薪酬係因為價錢實在出得太貴了, 個個都廿幾皮一個月, 政法助理都十幾萬一個月, 乜香港好富貴呀, 出手咁鬆.一班年輕人都冇乜經驗, 又未知能否幫到政府, 就咁高薪酬, 都唔合理.就因為特首辦都不好意思講佢地咁多錢, 先至用私隱來解釋, 精人出口,正一笨人出手,就知有沒有.

特首及陳德霖今次應真要打屁股, 佢地係主政者, 但係卻做出了一個最不好的榜樣, 就係推卸責任, 呢種卸膊真係要不得, 完全沒有承擔力, 以前對曾特首還有少少好感, 而家見到他的真章, 也不外如是, 想搞獨權, 以為自己大權獨握就為所欲為呀, 但係香港人邊有咁容易被人呃, 亦可以想像得到, 天子犯法與庶民同罪, 講吓而已, 睇吓特首的表現就知, 根本毫無歉意, 亦無承擔力,個膊頭係傾斜的, 咁點帶動香港走上民主之路呀,

曾特首仲有乜嘢叻, 就係黑面, 一唔啱聽, 不是擦鞋友講的說話, 根本聽不入耳, 咁點做我們的領導人, 所以不要說現在的孩子受不了人家罵, 少少壓力都受不起, 又要生又話要死, 有咁樣的特首, 有乜辦法不教壞細路哥.做錯事都死不認錯, 兼黑面 黑咗面等人家唔好再鬧下去, 亦係好招數喎.

  講起曾特首真係一肚氣, 或者咁喇,佢不向巿民道歉都會周日向上帝告解啦.我都要找上帝傾吓, 向佢投訴我們點解有一個咁黑面及咁冇承擔的特首, 錯就錯, 錯永遠不認, 都話聖人都有錯, 難道特首俾聖人仲叻咩, 永遠冇錯, 錯咗咪認囉, 死雞撐飯蓋,

  仲有處理手法都差成咁, 唉,我地都要捱多幾年, 苦過弟弟呀.