仙姐生日

五月四號, 陳培偉醫生和Lisa Ko合力為仙姐搞了一個八十歲大壽的神秘派對, 節目在一個月前已經籌備, 我接到Lisa的電話, 告之有此節目, 並表示大家科款1600元, 這包括了筳席的費用, 還包括仙姐的禮物, 我當時一口答應了.Lisa還千叮萬囑事前不可向仙姐透露, 我們此等小輩自然不敢洩露半句.那天晚上更被仙姐抽獎, 中了一千元現金, 個個都話我發錢寒, 所以抽現金真開心.

在四月廿七日的周日, 與一班朋友去行山, 行到赤柱時, 友人接獲陳善之的電話, 表示約了仙姐在農甫吃飯, 因他們只有五個人 倒不如我們一齊參加, 十個人就可以叫多幾味餸菜.

最後每人科款三百六十元, 吃得大家飽飽肚, 仙姐一向對美食都非常節制, 無論幾好食都只係食少少, 所以身材保持得特別好, 八十歲的老人家真的多一分不肥, 少一分不瘦, 在飯後, 因為坐正仙姐對面, 才留意到仙姐的一雙手十分白滑, 完全沒有一般老人的老人斑, 實在很驚訝, 還有臉上的皮膚都好光滑,皺紋不算多, 真是得天獨厚呀.問仙姐如何保養, 陳善之搶著說:[仙姐好少保養呀}.真係羡煞旁人呢.

再講起隻手生得靚, Joe Chan還說:[任姐隻手仲靚呀, 手指好修長.]仙姐立即點頭同意, 講講吓才醒起, 任姐唔驚唔覺仙逝了二十年了.不知道仙姐又有乜搞作紀念任姐呢.講俾大家知, 任姐一生人有兩句座右銘, 仙姐經常笑她說:[任姐但求日求兩餐, 夜求八圈.}咁都幾好喎.做人易滿足.

有次在家中打牌, 竟然打出五隻二筒出來, 或者係任姐肉緊得滯, 打埋一份都未定喎.那五隻二筒還鑲起放在任姐的照片前, 每次家中有任何喜慶, 仙姐第一碟食物都係攞俾任姐嘆.好長情.

後來順道問仙姐:[幾時會再做粵劇呀?]仙姐苦笑一下揺頭道:[我都唔知呀?]{你係師父喎]仙姐答曰:[兒女長大, 百般情態.]真係答得好, 仙姐真係好有墨水..