台南之旅 (Day 3)

(22/8/2009 Saturday)

第三日都好多野睇, 好多野玩, 好豐富呀 >>>

Round 1: 滿天神佛之龍兄虎弟

氣宇軒昂的玄天上帝, 充滿氣勢

龍虎塔, 一般廟宇是左青龍, 右白虎(從廟門的方向計), 這個則相反, 千其咪入錯, 否則就係送羊入虎口, 兼唔可以一登龍門嘞

龍虎內臟, 別有洞天, 牆壁佈滿神話故事, 華麗中帶神秘

龍兄虎弟, 在水中央 / 蓮池潭 - 觀音大士的宮殿

龍虎塔對面間舖仔細細, 手信多多, 最特別是黑金剛花生, 幾乎搶購一空 / lunch去呢間食店醫肚, 哇! 太監雞都有36種食法咁犀利?

Round 2: 幸福摩天輪 - 夢時代DREAM MALL

朝早行廟曬太陽, 下晝行過冷河行商場 / 超巨型朱古力雪糕托, 雖美味但食完雪糕先食到佢比較口渴

摩天輪, 每架都以蝦蟆mimi family做主題, 原本以為有成隻公仔, 點知得個頭, 其他都係貼紙, 不過都好令, 屯門五虎同海生館既新朋友(右一)第一時間霸位影靚相

升到最高處"鳥"瞰(名副其實)整個個高雄市 / 遙望全高雄市最高的85層樓大廈

12分鐘只轉一圈超慢, 喂! 老友, 走光喇 / 落番嚟, 再望番上去, 原來只有兩架水晶車, 個底唔透兼無公仔, 好彩無"side"時間等搭佢呢

跟住玩高空踩單車, 坐左上去, 開動時先知路軋架空而且好高, 兼一邊(左邊)無欄杆(至驚甩鞋), 小黃已勢成騎虎, 想叫停都嚟唔切, 唯有硬住頭皮頂硬上, 深呼吸, 定定神, 整個高雄市盡收眼底(比坐摩天輪看時精彩很多倍), 中途還有攝影機為你拍下難忘的回憶; 如果我當初不冒這個險, 相信錯過很多東西了

肯冒險嘗試, 才有得著

估唔到諗住"過冷河", 變左搞到大汗dup細汗; 決定走回商場, 到兩間大型書店打書釘,真係大到無影架

 好似新城以前個透明電台

呢個超級MALL, 好似隻大鯨魚, 摩天輪部份鯨魚噴出嚟既水, 好攝人

Round 3: 悠悠河畔 - 愛河

行完MALL, 遊愛河(個名雖有D"娘", 但背後段故事頗感人)

新加坡有獅頭魚尾像, 高雄有龍頭魚像, 好似四不像

日落愛河 ~ 哼幾句先: "朗日是靜悄悄, 白雲隨絮風飄, 在悠悠河畔顯得更是嬌小

(話明係"Mini"baby, 梗係嬌小啦!)

個船名有點兒那個呢 / 好多人排隊沐浴愛河, 我地鴨仔團, 無福消受, 趕住集隊咯

Round 4: Encore六合

是日晚餐自由選擇, 我地Day2喺六合夜市食過番尋味, 而且好多美食都試唔哂, 決定再去Encore

淨係睇D餡, 超多生蠔, 抵食到爆, 不過油膩左D

炸墨魚, 粒粒皆大粒 / 有無人識讀頭兩個字呀??

炸奶酪, 外脆內蛋漿又Hot又Creamy, 直滑喉頭 

終於食到土耳其雪糕(不好呷真的可以免錢?), 個哥哥仔會同你玩杯雪糕一輪先遞俾你,好搞鬼, 呢種雪糕, 要用煙韌嚟形容

因為無集隊時間管住, 今餐食盡所有, 好滿足啊!

(不過驚喜度沒Day2那天這麼高了)

 打小人見得多喇! 踩小人見過未?