鉅變

九月開始,
我整個生活將會有極大o既改變.

因為, 我結果終於搵o左間私立英文小學,
做全職音樂老師.
從此就要開始每朝早六七點起身返工o既生活.

慶幸o既係 ringtone 仍然有得繼續做,
所以, even 我淨係教書+做 ringtone,
cut 晒所有私人學生,
我收入都會比而家多+穩定.

但係基於責任問題,
再加上我想早日實行儲首期買樓o既計劃,
我仍然會繼續教學生.

有o的學生我係會想 cut o既,
但係, 又好似真係唔係好 cut 到.......
睇o黎學生都會盡 keep.

但係我又唔想星期一到星期日日日都教學生,
我會想 keep 每個禮拜 weekdays 有兩日唔駛教,
同埋 keep 一個 weekend whole day 唔駛做. (prefer 禮拜日)

如果唔係, 根本就唔會有可能寫到歌.
而且忙o既程度亦都可以殺得死我.

所以, 盡可能會想將每一區o既學生可以集中地教,
唔駛成日搭車走o黎走去浪費晒o的時間.
以前日日都只係教私人/琴行, 行多幾轉搭多幾程車唔係問題,
因為我有的是時間.
但係, 而家就唔可以咁講啦.......

但係未必個個學生都可以就到,
如果就唔到, 就 cut 啦.

好開心o既係,
以後唔駛再咁慳, 慳得咁緊要.
雖然好多人都唔覺得我有幾慳,
亦覺得我唔需要點慳,
但係, 比較熟o既朋友都會知
其實我每個月o既必要開支都好大.
應駛o既錢我唔會慳,
但係應慳o既我其實都會盡慳.
有時, 真係會覺得幾辛苦, 想買多少少o野都唔得.

但係總會有人唔明,
覺得一個月入二字頭o既人, 點會話唔夠錢駛?
但係實際上, 就係真係唔夠.
尤其係當有家庭經濟負擔+對自己未來經濟上有規劃o既時候.

o黎緊呢一年可能會好辛苦,
早幾日都仲會驚應付唔o黎,
但係到o左呢兩日反而就好期待!!

好想快o的 settle 好晒所有o野, 開始新o既生活!!

同埋, 呢一下先真正覺得自己真係出o黎做o野啦!!!

期待!!!! =)