走黎走去又一日

今日由於要覆診ｇｅ關係，請左日假，但起身時間同平日返工無咩分別。 今次醫生轉左另一隻藥我食，重要食晒去，一粒都唔能夠剩，唉～人生最怕ｇｅ其中一樣就係食丸仔，一ｄ都唔好食。痛苦～ 之後四圍逛左陣，見近日皮膚都幾乾下，又好耐無做ｍａｓｋ，於是左逛右逛，右揀左揀，最後買左朋友之前向我推薦ｇｅ台灣牌子「我的美麗日記-- 黑珍珠奈米面膜」試試。再逛左陣，又見到隻凡士林ｇｅ鐵盒裝蘆薈潤唇膏（發覺呢幾年用唇膏用上隱＆買上隱），滿心歡喜咁走去俾錢，點知俾錢時先知自己竟然帶唔夠錢，好彩可以用ＥＰＳ，唔係真係樣衰死。 

買完護膚品後，就逛左去圖書館到借ｄ書返屋企睇睇。後來好後悔，因為ｄ書勁重。返到屋企食個靚ｌｕｎｃｈ後，又拿拿林出去睇牙。今次去到，牙醫無幫我做任何野落ｄ牙到，係因為我口入面ｄ肉被ｄ鐵線戒到傷晒，所以要等好返ｄ以後，再加其他野上去。好彩佢都俾左ｄ鈉蜜我，ｄ鈉蜜可以防治ｄ銀色粒粒同埋鐵線戒ｄ肉，即場試左，真係舒服好多，無咁痛。（應該一早俾我嘛）睇完牙醫，又係附近逛下，逛左去「點心先生」到買四種唔同味道ｇｅ曼頭當作黎緊呢幾日ｇｅ早餐，佢個到有好多種味道 ，真係花多   眼亂 ，最終買左甘荀味、香芋味、南瓜味同埋黑芝麻四種味，試下ｏ唔ｏｋ！ｏｋ　ｇｅ話，下次再買黎作早餐先得。 

後來返返屋企睇報紙，見到有「潤手箱送潤唇膏」同埋「防龜裂護腳用品」，好平唷！因為之前用過，都覺得效果ｏｋ，平時係其他地方買都好貴下，於是把心一橫，又拿拿聲閃左去買。今日大出血喇！（雖然全都係俾自己，但都有少少傷。） 而今日逛左咁耐，時間過得好快，咁又用左一日假。