Show Good

一場精彩ｇｅ王力宏＋香港管弦樂團合作ｇｅ音樂會，晚上完滿咁畫上一個好靚靚ｇｅ休止符。係未入場之前，我真係有種既興奮又緊張ｇｅ心情（好似變左自己有份演奏咁），但真係好開心，因為我期待左好耐ｇａ喇。

入到去先知原來係細場黎，可以咁近睇到，真係好好好好好好好開心唷！（雖然唔係太正面）當王力宏出黎時，嘩～興奮得真想大叫（當然無叫出黎啦，真係當自己睇演唱會咩）不過當佢唱完一首又一首ｄ正歌後，我覺得真係好似睇緊一場小型演唱ｍｉｘ演奏會囉！真係低返晒唷！又可以睇佢玩咁多種樂器。佢彈管風琴時，嘩～真係引起一陣混亂。而且估唔到佢彈管風琴彈咁短囉，如果可以再多ｄ就更好喇！

而等到我頸都就快長之際，佢終於都伶出佢部小提琴拉喇！嘩～真係超期待唷！拉左好似兩三首，唔錯！當然，除左留意佢之外，我都係咁望住香港管弦樂團ｄ成員，小提琴首席個位，真係拉得好好。當期時我個腦不斷係到諗：能夠可以做到香港管弦樂團入面ｇｅ小提琴首席，真係要好好好好好好好好勁自得喇！我亦成日留意拉大提琴個位女士，拉得好投入，成個身都旭埋，我又諗過，個身旭得咁勁，都唔會拉到震，同埋ｄ音都咁好，實力果然高強。

唔知係唔係近排追睇「貝多芬病毒」ｇｅ關係，都好留意個指揮家。我見佢邊指揮邊翻佢前面個本好大本唔知咩ｇｅ書，但我見佢又好似無點望過，好好奇究竟個本野寫左ｄ咩係到。我見王力宏指揮時好搞笑，又係不停翻不停翻，安哥部份，更係睇都唔睇就不停翻。ａｎｙｗａｙ，成場都好精彩，好享受。只係唔知點解愈坐個人唔知係唔係緊張興奮ｇｅ關係，肩膀位都彊硬晒！又可能個位唔夠闊，帶黎ｄ褸又厚ｇｅ關係啦！