回顧第一天

2009年9月1日，今日係醫院，成晚都眼光光無瞓覺，感覺自己好似係到發緊夢，一早等土星人來到，陪我食早餐，點知早餐都不食完，就聽到音樂聲及一段說話，話餵奶時間到啦！各位媽媽可以到餵奶房餵奶，於是便叫土昀人陪我行落去，行動時感到傷口都唔係太痛，算是幾好啦！入到去餵奶房，見到好多媽媽都已經開始餵奶，我呢d初哥可以點呢？就係安排坐晒係窗邊的位置，會有護士係到講解點樣餵人奶，及試幾耐開始可以比bb補奶粉，一邊聽一邊等，從護士手中接過我的囡囡，在此稱她為小保，由生完之後抱過個一次來影相，今日就係第一次真真正正咁抱住自己個囡，一邊抱，我就一邊周圍望，睇下小保同別人既bb有咩分別，依！從外觀看，小保同別人既足月有6、7磅重既bb無咩分別咁喎！不過係一個鍾頭既餵奶時間內，小保都係合實雙眼既，我由頭坐到最尾個個至出來，因為我餵奶粉都只係奶到好少，小保好似唔係好食咁，就好擔心，問護士，我個bb係咁小咁得唔得架！佢係早產b喎！護士馬上答，等我地再餵佢啦！早產bb係會咁架！因為佢似為重係媽媽個肚到，要等多一、兩個星期，佢就會醒晒架啦！所以你要辛苦開頭呢一、兩個星期啦！之後就會好好多，同人地既足月bb一樣架啦！努力啦！聽完，我就離開左餵奶房，一起身，至知坐左咁耐，個傷口好痛喲！我好似機械人咁行出去找土星人，土星人一見到我就問做咩呀！你咁遲出來既，我話小保唔係好食奶羅！要用好多時間至餵到少少哦！而且我坐左咁耐，個傷口連成個pat pat都好痛喲！土星人就馬上叫我慢慢行返上房休息，就係咁，全日來來回回左餵奶房4次，每次我都係最後一個離開餵奶房既，每次我餵奶小保都係合實雙眼，但係到屋企人睇b既時間，小保就開眼望野喎！而且兩次都被屋企人見到小保嘔奶，小保一嘔奶就比護士帶反入去bb房無得睇羅！