....散呀...散得好！

是時候跟舊的老友記說再見！其實，已經遲了說good bye..

恆生指數說，呢隻奶樽高位價是$80....幾時先可以回落！終於向有活雞供應果日，向呢度買，現貨買入價位$62，即時入了三手CHU CHU！低絕！

呢三位草猛！豆豆用了十秒鐘的時間，就可以啜到跟佢地不想分離！當我們高舉奶樽，豆豆就知道是奶奶及睡覺了！現在晚晚都說：CAN NOT Barney, 係豆豆既！

作為滙豐既長期用戶，今次佢地遺失錄音帶，令我很咀咒！所以, 我決定要買個新水樽($39)及新牙刷($11)比豆豆以示有心有好報，希望我既對話，不會外洩！

Richell既產品，都是我最愛！

豆爸成日好想買呢個用品比亞豆！登！登！登：專係刷細小飲管的刷刷！

今次比我見到，$18即買！年尾吞埋豆爸份雙糧，機會在望！　

只要持有呢張卡，就可以入去散財＋散心！

打算本來入三手奶樽既我，最後，真係抵受唔住比起藥房既價錢更平，最後, 我決定連沖涼液, 洗頭水, 濕紙巾.....滿載而歸！散呀，入去，就是為了散呀！散完又感到無限既快感！

走人時，再見到呢條某利 , 佢以$59既『眼超超價』，好似同我有仇一樣！攪到我瞳孔放大了三四次！萬寧最平都要139.9兩盒啦！見亞豆係你既Fans，焗氣，即時笠埋返屋企！下次，我會知道去呢度再買！

呢個就是我所說的散心＋散財既場：

香港護士協會地址：

九龍佐敦道白加士街25-27號慶雲商業大廈二樓 Tel: 2314 6965

場內很多大肚婆入貨, 當見到平野既時候, 要保持鎮定, 小心你既左右隔離既人....

後記

(1) 原來護協都有Barney DVD買，仲要係平過我向大眾書局買廿蚊見到真係即場想問候Barney既亞媽！不過佢亞媽，好似咁多次，未見真人出場！今次算你啦！

Anyway我最後都無買DVD！費時亞豆同佢亞媽一樣，中了睇『東方新地』既毒，買開；睇開；就唔停得.......

(2) 唔知大家對Banana Boat呢隻美國既防曬用品, 有無認識! 其實, 我都係向一些講小朋友用品既討論區 認識呢隻牌子! 佢有條防曬 line 係比 Kids......護協都有得買, 都係六七十蚊, 已經成支牙膏咁大支, 係 SPF50! 不錯, 下次要拉埋豆爸去再散, 入佢數先!