對上一次既xanga post
已經係六月既事
我話要睇足咁多場
估唔到我真係做到
我同peggy睇完四場都覺得
真係好彩!!!好彩有做到!!!
因為每場都有佢既意思有特別既事
好彩有你
我好鐘意同你睇concert XD 因為睇HOCC唔叫唔跳唔唱不如返屋企睇DVD la !!!
btw講多句
睇演唱會真係唔慳得
$480感覺差天共地
特別係尾場
我諗我地真係可以拆左紅館
我好耐，其實係未試過聽到嗌encore嗌到咁
因為香港人encore係老馮 ga ma
再前一個星期睇完perfect10 JY既live真係........
有諗過會唔會對supergoo期望太大
因為無得比或者比下去
不過
少擔心
supergoo依然令人十分感動
太太太好睇喇
除左快歌令到我地跳到癲左
反而我好鐘意佢既慢歌
佢既live真係有d "揪心"既感覺
再講落去之前
quote個903 DJ既blog先
今日睇完
覺得好中
中到有d毛管"棟"
__________________________________________________________
http://malihasalittlelamb.blogspot.com/2009/10/blog-post_14.html
2009年10月14日 星期三
我知，我知，許多人會覺得光明會很肉麻。
我知，我知，再講甚麼團結呀堅持呀，會覺得老掉牙。
但實在，身處紅衫軍當中，難道你不感動嗎？
三年前的演唱會，見識了喜歡何韻詩的人的那種能量，
好感動，我們都是躲在屋企聽唱碟的!!
沒有光明會，我們就沒有聚首的機會，
平日label自己是甚麼甚麼family 的團員或者很肉麻，
但坐在紅館裡，好proud of 自己這麼多年以來都喜歡她。
小丸子年代，我對於阿菇真的沒感覺，
還覺得歐倩怡bili bala bili bala比較好聽!!!
直到上大學，頭一年我會到沙田龍華酒店附近的村屋替人補習。
那裡有好多好多又惡又大隻的狗，
每次都由火車站行10-15分鐘入村，
在那段路裡，明明知道自己"正在搵錢"，
但心裡總覺得好寂寞，超級寂寞，尤其是遠方有夕陽，
人人都歸家了，我補完習還只是回宿舍對著四面牆。
那段路，我會loop的歌曲叫"天使藍"。
那張碟裡的歌，已聽得滾瓜爛熟，
事隔這麼多年，還是我的最愛。
我曾經因為何韻詩的"崛雷鎚"說話方式，
以為她是箭豬，難以接近。
大學生活裡，我與同學仔共同喜愛的女歌手就只有她。
於是，連功課配樂都用上她的歌曲。
我到今天還很自豪，其中有次MV功課，
我們選擇了"未來"來重拍MV。
你知Edit的過程是痛苦的，每格畫面重複又重複200次，
但由於這首歌實在太有正能量，通頂仍不覺辛苦，
而且我好肯定，只要何韻詩唱錯一粒歌詞，我還是會發現的。
不過今次演唱會無緣聽到了。
關於"未來"，有一次在Motorola的音樂會中，
何韻詩請了Eason 做嘉賓。
在那個天橋台上，Eason說"我好鐘意阿詩呢首歌"
接著，拿起一個口琴 (還是笛？)吹起前奏來!!
我們尖叫，因為沒想到可以聽到這首歌!!!
接下來Free(Love)大碟，
我根本不會知道甚麼叫plug歌甚麼叫side track；
因為在大學裡頭沒機會聽收音機，鬼知邊首歌可以上榜？
我只知道這張碟裡所有所有所有歌曲我都喜歡，
同學失戀，我送"獨樂樂"給她；
還經常拿Shampoo，喜歡喜歡你，不眠皇后的歌詞放在ICQ Info裡。
自今，這張碟還是最愛之一。
雖然前晚演唱會裡沒有唱很多舊歌，
但其實三年前的演唱會中，我的許多小夢想都實現了~
畸后啦~娃鬼回魂啦~我是芭比啦~ 都在現場聽過了，心滿意足。
從沒擔心過SUPERGOO會不會悶，
因為青山大樂隊沒有做過任何hea show!!
一開場的光榮之家，全場的和唱令我起晒雞皮，
不是每個歌手都可以擁有"反應彈"歌迷，
紅衫軍絕對是你叫佢做乜佢地都做的好榜樣!!!
嗚，毛管棟!!
我覺得壓抑情緒是一件壞事，
或者純粹因為我根本好容易失控，
所以我很介意自己在看戲看show中途無啦啦淚如泉湧。
露絲瑪莉音樂響起，莫名奇妙的，眼睛開始矇矓；
還竟然出動勞斯萊斯!!!!
我還是頭一次看演唱會看到不住抽泣，還流鼻涕!!!
旁邊個女人叫朋友看我有多誇張，
我不知道體內的細胞被哪個音符呼喚了，
總之我哭了!!!
這樣的情況總會得來身邊人用這個表情(-_-)附送一句"誇張"
或是更狠的"誇X張!!"。
我有嘗試過hold住的!!!但心裡一直在"oh my god!!!"
我不知道當時有多少人跟我一樣，在發瘋的找tissue???!
完show後在後台碰到郭啟華老師，
"嗚，好感動呀大佬"
他很有智慧地，精靈眼睛閃一閃
"你加埋大學時代的感覺一次過挖晒出黎呀~"
果然呢!! 被點中穴了!!!
我性格硬繃繃又粗聲粗氣，根本沒可能喜歡好girlish的女生，
要知道某些人對某些人來說好有磁力，
我無可能喜歡一些不忠於自己性格態度的人。
看演唱會之前，還不知道今年光明會可以怎麼搞?
原來，在光明會成立之前，有種DNA一早種在身體裡面；
好像Heroes，等到日蝕，就看清楚自己身份!!
Super Heroes人人英雄這個題材可能不算創新，
但在這年頭還可以堅持自己的，也越來越少喇下嘛??
我明明看見場內有記者穿著紅衣起舞，
但新聞還是愛將她寫到像壞人一樣。
我只希望能夠聽她繼續唱令人感動的歌，
雖然，香港樂壇，還是講娛聞與曝光。
像當代藝術館裡沒有太多人明白的藝術品，
或者你不會用它來印Postcard出紀念品挑戰主流市場，
但誰又在意主流，如果它只是以譁眾取寵來領導的主流?
清高與有性格的代價是，未能夠得到太多人明白與認同。
但會明白與認同的人，又一定很忠心 :)
鐘意呢個又鐘意個個，好多東西好多人和事我都鐘意，
讚到飛天，因為我深受感動，
因為我的手毛腳毛曾經因為她的歌而豎起過，
久久不能平伏。
你說這些感受又如何能兜口兜面同人講？
唯有寫Blog.
__________________________________________________________________________
我都唔係d佢做咩我都話好既人
我會覺得佢前排寸左態度唔好等等
但係呢，睇完個concert，睇到佢完show既blog就又會明晒
佢想做太多野，太多野太沉重
當我06年企hai紅館$150蚊超級山頂位望住佢
我覺得佢真係..............形容唔到呀
然後hai我呢三四年唔知點解一頭熱血日日hai度好似望住個夕陽講青春無悔既時候 (我無誇張)
俾我開始知道佢想做同做緊d咩
我真係好欣賞佢
而我覺得鐘意佢既人好多心入面都有隻熱血仔，而咁arm我呢幾年都係活hai一個咁既世界，所以
好中
然後又會覺得好唔抵
因為佢從來唔會主動為自己澄清
周圍既人淨係識話佢拎師傅宣傳
如果你知道佢十歲未夠就係Mui姐一個超級fans然後瘋狂到唱K淨係准自己唱Mui姐d歌，返黎參加新秀係因為Mui姐做judge，然後竟然俾佢做到佢徒弟重要好錫佢
若果，你生命入面出現一個咁既人然後hai你未做到佢想你做既事時離開左自己
到你有一日你追隨住佢做到某d事
你一定會同佢一樣咁感動
其實佢唔出去玩唔食煙飲酒飲少少都醉
但係報導就寫到佢好差
查實佢係自閉仔無野做hai屋企煮下飯仔睇書對住部電腦以前重會打online game
佢會睇好多書然後介紹俾你睇
佢會睇完新聞然後解釋俾你聽或者有佢自己意見
佢會睇你寫既comment
一個歌手做到咁
你重想佢點
佢真係好明白生命影響生命
正如佢俾佢師傅影響一樣
佢根本唔係扮唔係抄
廿幾年受佢影響
神髓唔似先奇
其他人淨係掛住睇佢鐘意邊個
覺得鐘意佢既人就一定係同佢一樣
我覺得呢d人..........唔使理
近來聽"天使藍""
總覺得同三年前感覺好唔同
真係好唔同
以前鐘意聽shampoo，喜歡喜歡你，水花四濺
個人大左
聽"絕對"真係會眼濕濕
睇住隻live in unity DVD真係會喊出黎
然後突然明白
點解佢最滿意既，竟然係我之前一直都無特別聽既"Dress Me Up"
忘，出生入死，沙
原來都係會聽完令人深呼吸一口氣既歌
concert入面既冰心，妮歌都好感動
10/10 "英雄難過" 既一part
加左 "以身犯險"
係我好鐘意好鐘意既一隻sidetrack
當然，佢望住你幾秒笑住去同你握手
都係令我地覺得佢真係同其他歌手好唔同既地方之一
真係好好
英雄難過 入面三首歌 查理淑儀，露絲瑪莉，勞斯萊斯
=]
尾場睇到佢唱露絲瑪莉，勞斯萊斯唱到喊
um...
睇左四日concert
唔止佢
我都發覺
自己比起三年前大個左好多
因為我發現我最期待既
係"風見志郎"呢隻歌
我明點解我聽到呆左
上面麻利亞既blog
"我知，我知，許多人會覺得光明會很肉麻。
我知，我知，再講甚麼團結呀堅持呀，會覺得老掉牙。"
"平日label自己是甚麼甚麼family 的團員或者很肉麻，
但坐在紅館裡，好proud of 自己這麼多年以來都喜歡她。"
"但會明白與認同的人，又一定很忠心 :)"
唔止一個人同我講過，鐘意何韻詩既人唔多 ，但鐘意得既就真係好鐘意。
無錯，其實開四場，好多好多人都唔止睇一場。
而我身邊都好輕易搵到睇兩三場既人。
因為你去過，你會好似中左毒咁，加入左佢地，出唔番黎。
因為你會感受到你慢慢失去既熱血好犀利好犀利咁湧出黎。
係呀我又講到好肉麻
又真ga wo
因為有某d野我做唔到或者我暫時做唔到
而我hai佢身上發現左呢種力量
係可以影響人，振奮人心，團結大家既力量
所以我撐佢
"若果我陣亡，留給你，留給你，填好這革命情歌。"
最後一場佢對我地講左呢句歌詞。
入左心。
geniac 2009-12-24 02:21
生活是鍛鍊靈魂的妙方~~^^
....................................................................................................forrestruffner 2009-11-30 16:37
麗玲 2009-11-27 23:10
loycelindemann 2009-11-26 01:22
路過～很有趣吶...
..................................................丫哩 2009-11-23 23:58
美麗人生 2009-11-21 23:03
sister 2009-11-13 14:54
----
J N D 網 站 登 錄 轉 址
A M M 網 站 登 錄 ． 轉 址 服 務
K J M 轉 址 服 務
X w e b 網 站 轉 址 服 務
i i 9 網 站 自 動 轉 址 服 務
GarY 2009-11-02 01:30
Ｙ！ＢＬＯＧ人員處事不知所謂！系統無故發生故障而未有通告，繼而又修改什麼ＳＰＡＷＮ內容，與民為敵！垃圾廣告垃圾廢人留言不斷發表廣告而Ｙ！ＢＬＯＧ無以視之！
..................................................................................................周董 2009-10-29 22:36
士銘 2009-10-29 03:08
辛苦了！祝福你在各個方面都愈來愈好！
追星迷 2009-10-28 08:37
這麼好的部落格，以後看不到怎麼辦啊！！！
呷郎告告 2009-10-27 09:32
更新之餘，也要注意休息哦
阿豪 2009-10-25 22:48
臭豆腐 2009-10-25 08:27
鹹蝦叔 2009-10-24 20:16
秋去冬來~~大家要注意身體，別感冒囉！
長腿妹 2009-10-24 02:53
喜歡你的風格，請加油！
小希 2009-10-23 14:16
生，容易；活，容易；生活，不容易！
生力麵 2009-10-23 01:39
很棒的分享~如有打擾之處,敬請原諒！
愛寶 2009-10-22 13:59
王運程 2009-10-21 14:15
雅倩 2009-10-20 14:55
小天天 2009-10-18 17:00
mada* 2009-10-15 04:59
I love your post!
I am gootoe, too :)