助護手記572-與愛人分享心事

至愛近嚟為左工作上的問題好唔開心, 我同佢每一日都抽時間傾吓計。我同至愛習慣左每日放工都傾吓心事, 好多人都覺得男人係強者, 工作上的問題應該可以自己解決到, 但作為一個女性我覺得男人其實都好辛苦, 佢哋除左事業之外, 重要兼顧家庭同子女, 若果可以適當咁同身邊人分享, 一嚟可以舒緩吓, 二嚟可以明白佢內心世界多D。
至愛公司女人多過男人, 個個女人都做左好多年, 咁佢亞頭又係女人, 佢最鍾意搵同事錯處, 搵到就兜口兜面咁係好多同事面前大大聲聲"串"你, 最近佢不斷"釘"住我至愛, 重串到影印底佢做錯左D嘢, 然後係大家開會時同D高級的講佢錯在那裡。
我至愛勁嬲, 勁唔開心, 我同佢講若果你真係有錯就記住改左佢, 唔好重犯, 但若果係佢雞蛋裡面挑骨頭咁你就可以唔哂理。
人誰無過呀! 我哋都錯過, 都希望人哋比機會自己改過, 同事又好, 上司又好, 有邊個無錯過呀! 但識唔識得包容又係另一件事。我覺得問心無愧就得啦!