驚@辦公室

星期三公司的清潔阿姐又發現有老鼠, 無錯"又"發現,

因為去年都試過走了兩只老鼠入嚟, 佢哋唔似平時D街邊老鼠咁大隻,

比較迷你, 顏色就一只灰色, 另一只深黑色, 上次已經嚇到我工都唔想返,

而今次呢~ 聽阿姐講黑色架~ 但其他同事周圍睇過都唔見呀!

我公司嘅單位比較大, 因為以前係工場, 當工廠搬咗上大陸之後,

呢度嘅空間就多咗啦~ 隨之而嚟雜物亦都多咗~

阿姐就係响D紙箱之間發現佢嘅蹤影, 我又開始驚起來了~

當日的上午我做做吓嘢突然聽到兩聲鼠叫聲~ 去年我同事聽過, 但今年到我聽到,

真係打晒冷震, 都唔知佢响邊度出現~ 驚到唔敢離開自己個位,

水都唔敢飲多啖, 驚去洗手間的時候見到佢~

到咗星期四同五, 仲死~ 呢兩日我部門得我一個人, 驚都無人陪呀!

响星期四的四點幾, 佢嚟啦! 黑色一舊嘢, 無聲好快穿過房間, 直入會議室,

我立即跳上檯, 然後call出面D男同事入嚟, 他入會議室睇過, 無嘢喎!

可能响另一道門度鼠咗去~ 死啦! 我真係好驚呀! 我好想立即走呀!

之後個晚我驚到瞓唔到, 因為仲有星期五一天要自己過,

我諗到個辦法令自己有D安全感, 就係攞D快勞阻住條路, 起碼佢唔會走嚟我個邊先~

張相由我個位影的, 星期四就係响file條路直行過, 間房得我一個, 你話驚唔驚呀?!

星期五一返到公司望吓檯底有無嘢, 然後排咗一排file,

雖然同事話佢都識跳上嚟, 但我總有D安全感嘛! 因為我真係驚到做唔到嘢~

天啊! 好驚呀! 我都唔知點好~

e+係凌晨3點, 一邊寫blog, 一邊睇tv, 播著梅姐的歌, 我第一次用零用錢買的錄音帶係梅艷芳, 佢係我第一個偶像, 雖然我不是忠心fans, 但十月十日是她的生日, 想講"梅姐生日快樂!", 今晚聽到妳很多歌, 好懷念妳, 妳真係一位巨星, 無人可代.