網誌分類：N の 製作 |
以下內容未經許可, 請勿轉載, 謝謝...
Chapter 14---The First Night of Mr And Mrs Yin
欣賞過窗外迷人的景色後, Vincent 和家嵐在酒店房裡各自梳洗過後就坐到床上去互相依偎著說說情話….
家嵐: 係呢, 咁你點搵人訂造 d 婚紗 o架? 你又知我地琴日會嚟到 L.A. 仲住呢間酒店嘅?
Vincent: 答咗你第二個問題先啦… 我點知琴日會嚟 L.A. 仲住呢間酒店呀? 因為我 plan 好咗囉…… 而且我訂呢間酒店就係知我訂就實有位囉… 因為呢間酒店係言氏海外嘅其中一個物業, 你都有份 o架, 言氏新抱仔… (笑)
家嵐: 唔怪得之你可以咁短時間之內搞咁多嘢啦… 原來有人濫用職權…. (笑)
Vincent: 咩濫用呀? 我只係享受下做老闆應有嘅權利同福利咋喎…..
至於 d 婚紗呢… 你唔駛知我點搵人訂造 o架喇… 總之著得你靚, 你又鍾意咪得囉…. 係咪? (笑)
家嵐: 係喇係喇…. 最叻係你喇… (笑)
Vincent: 梗係啦, 駛乜講呀… (笑)
家嵐: 係呢, 咁大言生佢地都知我有咗 bb 呀? (擔心)
Vincent: 都話唔係大言生咯傻妹, 係老爺呀…. (微笑)
家嵐: 佢同掌門人都知呀? (擔心)
Vincent: 做咩咁擔心呀傻妹? (溫柔)
家嵐: 我唔想佢地覺得我好隨便, 更加唔想大言生… um….. 老爺…. 覺得我係用個肚逼你娶我呀… (擔心)
Vincent: 傻妹呀, 唔好亂諗嘢啦….
我想娶你就係人都知 o架啦…. 而且 dad 都唔係 d 咁嘅人, 佢唔會咁諗你 o架, 放心啦…… 佢知道有新抱茶飲同時又有孫抱不知幾開心呀…. (溫柔)
家嵐: 咁即係你同佢地講咗, 佢地都知道晒喇? (擔心)
Vincent: 唔係呀…. 我都無同佢地講…. 我諗住到你有咗三個月, 個胎穩定 d 先同佢地講呀…. 咁到時我就會同佢地解釋埋成件事係點…. 所以呢, 老婆大人你而家咩都唔駛諗, 唔駛擔心…. 總之萬大事有老公喺度同你撐住呀…. 你淨係需要專心安胎, 調理好身體, 咁樣先會媽咪又健康, bb 又健康 o架嘛…. (溫柔)
家嵐: 多謝你呀 Vincent… (感動)
Vincent: 係老公呀… (笑)
家嵐: 多謝你呀….. 老公… (害羞; 輕聲)
Vincent: 傻妹, 叫老公都咁怕醜嘅? 不過我好開心終於聽到你叫我做老公呀…. 多謝老婆…. (笑)
說罷後 Vincent 就低頭輕吻了她的嘴唇….
家嵐: 傻佬老公…. (甜笑)
Vincent: 老婆呀… 我可唔可以摸下 bb 呀? (溫柔)
家嵐: 你係佢 daddy 梗係可以啦…. (笑)
Vincent 聽後就用那隻空出來的手隔著衣服去輕撫家嵐暫時仍然相當平坦的腹部….
Vincent: bb….. bb…….. 今日 daddy 真係覺得好開心好幸福呀…. 因為媽咪終於肯嫁俾 daddy 喇….. (笑)
家嵐: 傻佬….. bb 邊度識聽你講嘢呀而家? (笑)
Vincent: 咁當等佢熟習下佢 daddy 把咁好聽嘅聲先嘛…. (笑)
家嵐: 傻佬… (甜笑)
Vincent: 老婆呀… 你估呢個 bb 係仔定女呀?
家嵐: 唔知呢…. 咁你鍾意仔定女多 d 呀?
Vincent: 只要係我同你嘅 bb, 仔女都無所謂, 仔女我都咁鍾意呀… (微笑)
家嵐: 傻佬….
不過仔女都好啦, 總之千祈唔好似你係大頭咁就得喇…. (鬼馬地笑)
Vincent: 似我大頭有咩唔好呀? 頭大 d 先好呀… 可以裝多 d 嘢落個腦度… (邊笑說邊輕撫著自己的大頭)
家嵐: 總之就唔好啦…. 個頭咁大實俾人笑呀… (笑)
Vincent: 聽講係得你笑咋喎而家… (無奈地笑)
家嵐: 唔係呀… bb 都笑緊你呀… (笑)
Vincent: 邊有呢? bb 不知幾乖呀… 佢瞓咗喇… (笑)
家嵐: 你又知? (笑)
Vincent: 因為我係佢 daddy 囉…. (笑)
家嵐: 我夠係佢媽咪咯…. (笑; 撒嬌)
Vincent: 咁我了解佢嘛… (笑)
家嵐: 唔同你拗喇… 佢出咗世你就知邊個了解佢多 d 喇… 話晒我都同佢有十個月好 close 嘅接觸同相處…. (得意洋洋地笑)
Vincent: 唔公平呀…. 如果男人都可以生 bb 就好喇… 咁 bb 一定唔會同媽咪咁 close 呀… 會同 daddy close d 呀….. (笑)
家嵐: 咁做男人係蝕底 d o架喇…. 無咗呢個咁 close 嘅親子 bonding…. (鬼馬地笑)
Vincent: 係呀, 好蝕 o添呀…. (笑)
不過講真吖老婆, 如果男人可以生 bb 呢, 我一定會代你生呀, 因為我唔想你陀 bb 同生 bb 咁辛苦呀, 而且聽人講生 bb 又咁痛…. (認真)
家嵐聽後也十分感動….
家嵐: 你有咁嘅諗法我已經好開心 o架喇……
不過我話俾你知吖, 如果為一個自己愛嘅人去陀 bb 同埋生 bb 呢, 係一件好幸福嘅事嚟 o架, 仲 一 d 都唔辛苦 o添呀….. (感動; 甜笑)
Vincent: 多謝你呀老婆…. (感動)
語畢後 Vincent 就把家嵐再擁緊了一點, 並輕吻了她的額頭...
Vincent: 老婆呀, 我好想 bb 似我呀, 因為我想佢似我咁愛你咁錫你呀….. (溫柔)
家嵐: 傻佬… (甜笑)
總之佢似你咩都好啦, 係唔准似大頭呀… (鬼馬地笑)
Vincent: 你真係除咗鍾意叫我傻佬之外呢, 就最鍾意笑我個大頭 o架喎… (沒好氣地笑)
家嵐: 係呀… 咁你滿唔滿意吖? 不過都無得你唔滿意 o架喇… (鬼馬地笑)
Vincent: 老婆大人講嘅嘢我點敢有異議同埋點敢唔滿意呢? (笑)
家嵐: 咁無異議呢, 就快 d 瞓覺喇… 夜喇…. 傻佬… (笑)
Vincent: ok…. goodnight 老婆, goodnight bb… (笑)
說罷後 Vincent 就輕吻了家嵐的嘴唇一下, 並彎下身子隔著衣服輕吻了家嵐的肚子一下
然後就溫柔地扶家嵐躺下, 細心地替她蓋好被子, 之後自己才慢慢的躺在家嵐身邊, 輕擁著家嵐入睡…
這晚 Vincent 和家嵐也睡得很香, 睡得很甜…. 因為他們彼此在今晚也終於抓緊了對方, 抓緊了屬於自己的幸福…. 所以就算他們睡著發著夢, 也是最甜最好的美夢; 就算他們是睡了, 他們的臉上也會自然地流露出幸福甜蜜的笑容。 而對 Vincent 來說, 這一晚更是他自出生到現在, 活了這麼多年來最美好的一晚, 睡得最香、 最幸福的一晚呢!
van仔 BLOG 未有任何已發表的網誌
yuki酱的小圈子 未有任何已發表的網誌
Around 40 ep02-cap 14...
Around 40 ep02-cap 13...
Around 40 ep02-cap 12...
Yanyan_0429 2009-10-13 10:27
Hi, late comment again.
家嵐: 我唔想佢地覺得我好隨便, 更加唔想大言生… um….. 老爺…. 覺得我係用個肚逼你娶我呀… (擔心)家嵐你又唔洗甘擔心喎，你有左bb，大言生仲開心過你地丫，話哂抱孫嘛，佢又點會諗埋個d野呢，係咪？所以唔洗擔心！
家嵐: 傻佬….. bb 邊度識聽你講嘢呀而家? (笑)
Vincent: 咁當等佢熟習下佢 daddy 把咁好聽嘅聲先嘛…. (笑)
哈哈，到時bb真係聽熟左daddy mammy把聲之後，就會成日聽到daddy mammy既甜言蜜語架啦，bb要小心唔好凍親ar XD
唔得啦，之後個d甜言蜜語真係好甜好sweet丫，佢地兩個真係羨剎旁人，甜蜜到漏^^
wyanne2009-10-13 23:55
it's ok again.. hahha..
咪係囉... 家嵐真係諗多 o左喇.....
大言生知有孫抱都不知幾開心呀... 話晒佢等 vincent 呢個唔定性 o既仔定下來, 等佢成家立室都真係等 o左好耐 o架喇... 所以如果俾佢知佢終於有孫抱呢, 不過幾開心呀... 又點會咁諗家嵐 o丫... 所以家嵐真係好傻 o架... 成日諗埋一邊...不過好彩有 vincent 同佢講番咋... 等佢唔好再諗埋一邊..... ^^
其實 bb 而家 o係家嵐個肚度都已經要逼住聽 daddy 媽咪 d 甜言蜜語喇.. XDD
咁要家嵐陀 bb 時食多 d 維他命啦... 等 bb 出 o左世之後抵抗力都好 d... 唔會咁易俾佢 o既 daddy 同媽咪講 o既 o野冷親呀.. XDDDDD
哈哈哈哈... 佢地 o既對話就係甜言蜜語嘛...
唔甜唔得 o架.. XDD
佢地兩個一齊都已經甜到漏啦... 哈哈...
不過咁甜都係好事 o黎 o既... 甜好過其他味啦... 好過酸呀.. 苦呀.. 辣呀咁... 信嵐要繼續甜落去呀... ^^
Shilo 2009-10-08 10:40
大頭豬為左可以抱得美人歸真係用盡心思同埋所有辦法,濫用職權都無所謂la,家嵐你就原諒下你既大頭豬la
青b知道雙喜臨門,肯定笑到見牙唔見眼la,點會諗家嵐用個肚黎逼婚呢,就算係都係Vincent用家嵐個肚黎逼家嵐結婚就真
大頭豬竟然想個bb似佢大頭?!唔係0下?!佢想辛苦死痛死家嵐咩 =="
不過大頭daddy都講得0岩, bb最好似大頭daddy咁錫咁愛靚靚媽咪,其他所有野就似哂家嵐la
好開心家嵐真係完全諗通左,佢真係好愛Vincent先會講為自己心愛既人陀bb生bb係一件幸福既事,大頭仔依家真係世上最幸福既男人ar ^^
wyanne2009-10-08 15:43
哈哈哈.. 咪係囉... 大頭豬為 o左可以抱得家嵐呢個美人歸呢, 真係扭盡六壬 o架... 濫用職權都係包埋在內 o架喇... 成個 package 嘛.. XDDDD
不過佢咁有心思咁為家嵐呢, 我相信家嵐點都會原諒呢隻大頭豬 o既... XDDDD
青 b 一定係最開心 o個個呀... 有新抱又有孫抱... XDDD
咁又係喎, 青 b 不知幾想娶新抱同抱孫呢兩件事一齊進行呀, 佢又點會諗家嵐係用個肚逼婚呢.... 識佢地 o既人都應該係諗 vincent 向家嵐逼婚就真啦... XDDDD
我諗佢真係唔記得 o左呢樣 o野喇... 淨係話想 bb 似佢大頭... 完全忽略 o左生 o既時候會辛苦死同痛死家嵐呀... = =""""
不過如果真係似佢大頭呢... 咁就一定要開刀生喇家嵐... 你知啦 Lil, 咁大個頭真係生都有排生呀.. XDD
bb 其實似 vincent 咩都唔緊要呀, 最好就真係似 vincent 咁愛錫靚靚媽咪啦... 不過就真係唔好似佢大頭喇.. XDDDD
其他 o野都係似靚媽咪好... ^^
係呀係呀... 家嵐真係諗通 o左先嫁俾 vincent o架... 我都好開心見到佢咁呀...
更加開心都係聽到佢同 vincent 講話為自己愛 o既人陀 bb 同生 bb 係一件好幸福 o既事呀... ^^
大頭仔真係終於守得雲開喇...
佢而家真係最最最最最最最最幸福 o既男人呀... ^ _____ ^
Wayne 2009-10-08 00:07
好甜呀!!!看著看著都覺得好幸福
Vincent抱得美人歸讓人羨慕死了!
wyanne2009-10-08 03:54
咦, 小 wing, 你追到喇? 哈哈...
我都覺得 vincent 同家嵐好甜好幸福呀.... ^ v ^
vincent 佢等 o左咁多年終於都可以抱得美人歸, 真係戥佢好開心呀...
同時亦都好羡慕佢地咁 sweet 呀.. heheheeh.. ^^
~丘優~ 2009-10-08 00:04
wyanne豬^^:
言生言太的第一個晚上..'
定是個wondarful night^^
言生濫用職權..都係為左言太姐!言太就原諒佢啦。
但婚紗..有點好奇點解vin豬可以做到。
婚紗是貼身的，大件左少少都唔靚。
haha..大言生又點會咁諗呀..
我知佢"恨"vin豬兩兄弟娶老婆、生BB好耐架啦。
依家一次過滿足佢兩個願望，實開心死~
其實唔止係言太架..好多人都係背後笑緊vincent個大頭!
(o薯~呢個秘密唔可以比大頭王子知架，唔係佢一定會好失落架。)
vin豬好偉大呀..希望可以代家嵐生bb，是為了不想她辛苦。
這份心意家嵐收到哂架啦。bb似vincent都好架，只要唔好似佢個頭咁大就得xp
(oil又一次講vin豬壞話，唔知佢有無打噴嚏呢？)
(咦`咁咪騷擾到言生言太發好夢囉?罪過罪過xD)
oil;)
wyanne2009-10-08 04:10
小油 b... ^^
言生言太 o既第一晚... 唔止 wonderful 咁簡單啦... 而且仲係 sweet 到漏 o個隻 tim 呀.. hehehe.. ^^
言太都唔捨得嬲言生 o既... 知道言生濫用職權去為佢做咁多 o野...
哈哈哈... vin 豬點訂 d 婚紗呢, 好似真係令到你地個個都好好奇咁呀.. XDDD
其實我諗都無乜特別 o既... 佢應該都係偷偷地記低家嵐著衫著咩 size... 又或者偷偷地問掌門人家嵐 o既三圍數字 o掛.... 我估... =p 再唔係就可能真係趁家嵐唔知時潛入家嵐間房偷睇佢 d under o既 size o掛..... 不過我諗佢又唔會咁變態 o既... XDDDDDD
總之佢有佢 o既方法 o架喇.. XDDDDDD
係囉... 係家嵐傻妹亂諗 o野咋嘛...
大言生真係不知幾恨飲 vin 豬同本少兩杯新抱茶呀....
而且更加恨佢地快 d 結婚生番個孫俾佢抱呀.... XDD
如果俾大言生知而家又有新抱茶飲, 遲 d 又有薑醋食呢, 真係開心死佢呀... 一次過滿足晒兩個願望... 真係拍得住出奇蛋喇.. XDDDDD
係呀係呀... 小油 b... 我地要細聲 d 呀... 雖然大把人都笑緊 vin 豬個大頭... 不過我地真係唔好俾佢知呀... 費事佢唔開心啦... 佢以佢個大頭為榮 o架嘛... XDDDD
vin 豬真係好錫家嵐 o架... 就咁聽佢咁講就知啦... 竟然肯話想代家嵐生 bb... 真係唔係個個男人都會咁講 o架嘛...
bb 似 vincent 都真係唔錯 o既, 不過如果可以唔似佢個大頭就好 d 呀... XDDDDDD
(我諗 vin 豬都已經打乞痴打到傻 o架喇... 日日係咁俾我地笑佢個大頭... XDDDDD )
(唔緊要呀... 唔阻佢地發夢 o架... 佢地已經去到一個無人可以騷擾到 o既境界 o架喇.. 放心啦小油 b.. XDDDDDDDD )
Amyi 2009-10-07 23:03
唔知到底d 婚紗點訂造，俾vincent 勾起我d好奇心tim~~
我想娶你就係人都知 o架啦~~無錯，我相信呢個最低限度係全言氏都知既事實~~
萬大事有老公喺度同你撐住呀~~梗係vincent 撐啦，bb佢無份ge 咩~~
唔知bb係小王子定小公主呢??
今晚，大概2個都會發個甜夢^^
個結婚蛋糕都唔夠篇故仔甜~信嵐實在太甜^^
wyanne2009-10-08 03:52
哈哈哈哈.. vincent 睇 o黎真係勾起晒你地 d 好奇心 tim.. XDD
其實 d 婚紗點訂造呢都真係無咩特別 o架咋.... 只係 vincent 可能偷偷地問掌門人又或者唔知點偷偷地度過家嵐 o既身材 o掛...
佢唔講俾家嵐知呢, 其實都係想保持番 d 神秘感俾家嵐嘛.. XDDDDD
點止係全言氏都知呀... 連我地呢 d 路人甲乙丙都知啦... vincent 恨娶家嵐呢件事.. XDDDDDD
amyi.. 你講得好正呀... XDDD
不過我相信 vincent 佢呢... 就算家嵐無 bb 都好啦, 都係萬大事佢都會幫家嵐撐住 o既.... 因為佢真係愛家嵐嘛.... ^^
我諗唔止你想知呀 amyi, vincent 同家嵐都想知呀... 尤其係 vincent tim 呀... 話晒都係第一次做 daddy 嘛... 一定會緊張 d o既... 而且大言生都一定好想知佢第一個孫係仔定女 o者...
不過我都唔知住呀而家... 因為家嵐都未到 4 個月, 未可以照到係仔定女呀...
係 3 個先 o岩呀 amyi...
家嵐肚入面個 bb 都一定會發番個甜夢 o者 o係家嵐個肚度...
因為佢都 feel 到 daddy 媽咪好 sweet 嘛... hehehe.. ^^
哈哈哈哈哈哈... 咁 amyi.. 你駛唔駛飲番 d 水/茶呀? 我驚你一次過食咁甜 o既 o野會漏呀.. XDDDD
Unknown 2009-10-07 20:04
令我諗番某集vincent為左同家嵐去睇演奏而取消唔知幾點之後既appointments
點解套婚紗好似咁神秘咁既...vincent做咩唔講既...wyanne豬你會唔會開估嫁?
係人都知言二少想娶家嵐嫁啦...大家驚你搵d野迫家嵐嫁比你...都唔會諗家嵐迫你娶佢啦XDD
言二少奶真係幸福呀...萬大事都有言二少頂住同撐住...個天跌落黎都無油怕...真係羨慕死人呀
講真...似vincent咩都得...最緊要唔好似佢...係大頭豬！！XDD
wyanne2009-10-08 03:45
哈哈哈哈哈哈.. 無錯呀旺妮豬你講得... XDDDDDD
vincent 為 o左家嵐有咩做唔出 o丫.... 濫用職權真係已經係家常便飯 o黎 o架喇... XDDD
咁佢又真係已經節制 o左好多 o架喇.. 佢唔驚俾阿言太話佢咩... XDDDDDD
kakakakak.. 旺妮豬, 你真係我隔離床 o既朋友仔呀.. XDDD
其實我就真係諗起 o個集家嵐話佢濫用職權呢, 咁我先 o係度又加咋... 所以你會諗起真係一 d 都唔出奇呀... XDDDDDDDD
(係 cancel 晒 6 點之後 o既 appointment 呀.. XDD )
其實訂 d 婚紗呢就無咩咁特別 o架...
只係 vincent 唔想咩都講晒出 o黎, 咁等家嵐都仲有 d 驚喜同神秘感嘛... 哈哈... =p
wakakakakaka.. 旺妮豬你好中 point 呀真係... XDDDDDD
咁又係喎真係... vincent 想娶家嵐就真係係人都知呀.... XDDDD
如果調番轉頭佢係女人呢, 佢實會用大肚逼家嵐要佢呀.. XDDDDDDDD
佢都不知幾想搵 d o野去逼家嵐嫁俾佢呀... 不過可惜佢諗唔到咋嘛... XDDDDDD
係呀.. 言二少奶真係好幸福 o架.... 佢做得 vincent 個女人呢, 就有 vincent 呢個言二少去幫佢頂住同撐住.... 言二少奶只係需要好開心好快樂咁生活就得 o架喇...
言二少奶有呢個咁好 o既老公呢, 真係羡慕死人 o架... ^^
似 vincent 真係咩都得 o架... 但係就唯獨大頭呢樣 o野真係唔似得... XDD
其實似都 ok o既... 不過唔好似佢咁蠢咁豬就得喇... XDDDDD
容珊 2009-10-07 16:46
我一排冇上來了~~
哇!!你作咗咁多篇幻想劇ar~好勁ar~
我都好喜歡他們這對
wyanne2009-10-08 03:13
歡迎你返 o黎呀容珊...
係囉.. 就好似無見你好耐咁呀..
知你之前搬開 o左, 但係就再無見過你 update喇之後...
你間屋整好喇? 係咪好靚呢? hehehe....
其實唔係一下次作 o左咁多啦... 係呢個故事先係近期 d o架咋...
之前 o個 d 呢, 就其實係 o係 forum post 過, 不過再 o係度 post 多次咋嘛.. hehehe... =p
所以呢, 我一 d 都唔勁啦... 係無聊就真啦... =p
係呀係呀, 我都好鍾意佢地呢 pair 呀... 感覺上真係好襯呀.. 同埋好鍾意佢地個角色呀... ^^