同事三分親之信嵐幻想劇-The Fairy Tale of Arigatou (Ch. 5)

以下內容未經許可, 請勿轉載, 謝謝...

Chapter 5---The Spell of Suffocation…

在公園裡溫柔細心地叮囑和親眼看過家嵐吃粥和吃藥後, Vincent 就體貼地把家嵐送回家….

Vincent 把家嵐送回家後就已急不及待的對掌門人說是家嵐一時大意才會甚麼都不帶才出外, 著掌門人不要怪責家嵐…

之後 Vincent 更送了家嵐回睡房休息, 更在臨離開掌門人時千叮萬囑家嵐要休息多點和要準時吃止痛藥…

交代過這一切瑣碎的事他才肯離開….

要不是家嵐決意要他先離開去做自己的事, Vincent 大概也只會死守在家嵐身邊, 直到真的確定到家嵐頭不再痛時才願意走呢!

Vincent 離開後, 家嵐就從睡房裡走了出客廳去坐坐, 看看電視…

掌門人: 阿花… 做咩仲唔瞓下覺唞下呀? (關心)

家嵐: 我都唔攰…. (輕聲)

掌門人: 但係大頭仔頭先話你頭痛喎…. 你唔休息下呀? 一陣盞佢擔心呀… (關心)

家嵐: 其實我都係因為琴日飲醉酒而有少少頭痛咋嘛… 係佢誇張啫…. (輕聲)

掌門人: 佢係緊張你先會咁呀… 你一有 d 咩頭暈身興佢都好緊張 o架啦… (微笑)

家嵐聽後只對掌門人苦笑了笑…

掌門人也看得出家嵐的笑容有點苦澀奇怪…..

掌門人: 做咩呀? 有個咁好嘅男朋友關心唔好咩? 做咩你個樣好似一 d 都唔開心, 唔覺得甜蜜咁嘅? (關心)

家嵐: 唉….. 我唔知點講呀…..

總之而家嘅我真係唔知點面對佢好呀…. (嘆氣; 苦惱)

掌門人: 發生咩事呀? 係咪佢蝦你呀? (關心)

家嵐: 唔係呀…..

我真係唔知點講好呀奶奶….

um…… 我都係返房諗下點面對佢先喇…. (苦惱)

掌門人: 咁好啦… 你如果諗到點講嘅你再同我講啦… (溫柔)

家嵐: 唔該晒你呀掌門人…

不過你唔好同佢講番話我唔知點面對佢喎… 費事陣間佢又煩, 我又煩啦…. 我諗到個解決又或者係面對佢嘅方法就無事 o架喇… 我而家淨係想俾自己靜下, 諗通下呀….

掌門人: 放心啦.. 我識做嘅… 你地兩個嘅事留番你地自己解決啦….

咁你諗還諗喎, 諗唔通就好出聲喇, 等奶奶幫你諗嘛…. 同埋呀.. 你都唔好諗咁耐喇, 要俾個腦同身體休息下 o架嘛…. (溫柔)

家嵐: 嗯… 我會 o架喇… 唔該奶奶… (苦笑)

說罷後家嵐就走回了睡房, 關上了房門, 抱膝坐在床上想著今後應該如何面對 Vincent….

她想自己應該現在就馬上嫁給他? 還是保持現狀? 如果維持現狀又該以甚麼態度去面對 Vincent 才好呢? 要對他十分熱情? 還是要小鳥依人的整天跟著他? 又抑或是要裝作若無其事的如常一樣? 如果不維持現狀, 那就即是要嫁給他? 可是家嵐她自己根本就還未準備好做言為信太太…..

面對因一時衝動和糊塗帶來的突如其來的轉變, 家嵐的腦袋中頓時出現了無數那麼多的問號…

這些問號也足夠令家嵐窒息…..

家嵐萬二個不想跟這些惱人的問號糾纏, 但她又並未想出任何良策….

所以她就暗暗地做了一個決定---就是在她想到怎麼去面對 Vincent 之前, 她會盡量減少和 Vincent 二人單獨相處的時間…. 好讓自己冷靜一下, 想一想以後和 Vincent 的關係….

可憐 Vincent 就對家嵐這個決定一概不知情, 只得唯有照單全收, 默默承受….

翌日在公司裡…

午飯時間….

Vincent 就如常地走到 「形」, 走到去家嵐的辦公室去找家嵐, 想著和她一起吃吃午飯, 見見她….

Vincent: 家嵐, it’s lunch time…… 我地去食 lunch 咯? (笑; 溫柔)

家嵐: er……… 我唔得閒呀…… 我要趕份 proposal 俾個客呀…. (尷尬; 推搪)

Vincent: 好趕 o架? 如果唔趕就唔好做住啦…. 你琴日先話頭痛…. (溫柔)

家嵐: 我無事喇…. 我唔想拖住 d 嘢呀….. 之前為咗幫 Philip 同 Carrie 佢地做伴娘呢, 已經 hold 住咗 d 嘢 o架喇…. (輕聲)

Vincent: ok….. 咁我去買嘢俾你食吖…. 唔食嘢唔得 o架… 唔係一陣你又會胃痛 o架喇…. (溫柔)

家嵐: 唔駛喇… 我做完自己買啦………. (輕聲)

er……… um………. 你 er……. 你唔係要出去開會咩一陣? (尷尬)

Vincent: 係呀…… 不過我諗住同你食埋 lunch 先出去嘛…… (溫柔)

家嵐: 你出去啦…. 唔駛陪我喇…….

同埋晏 d 你唔駛接我放工……. 仲有……… er……. 你今晚都唔駛搵我呀…… (尷尬; 輕聲)

Vincent: 點解呀? 我出去開完會之後會返嚟 o架嘛…..

同埋我想同你食飯呀今晚….. (溫柔)

家嵐: er………….. sorry 呀……. 我今晚唔得閒呀….. 我有嘢做, 約咗人呀…. (尷尬; 輕聲)

Vincent: 咁呀…….. 咁好啦…..

不過你今晚去街時小心 d 呀….. 你琴日先頭痛完, 唔好吹親呀…. (溫柔)

家嵐: 嗯…..

er……….. 我….. 我 um… 我出去俾份嘢 Diana 睇下先喇…. (尷尬; 輕聲)

說罷後家嵐就未待 Vincent 回應便拿著一個文件夾走出了辦公室…..

尚在家嵐的辦公室裡的 Vincent 對家嵐的態度也還未感到有甚麼不妥, 他只是以為家嵐是因為太忙的關係,所以才沒有時間和自己吃吃飯, 好好的見見面, 和聊聊天…..

但另邊廂….

家嵐就為剛才她自己單方面營造出來的尷尬氣氛而感到有點窒息, 直至看不到 Vincent 時窒息的感覺才像緩和了一點…

現在家嵐就像被惡毒的女巫下了一個窒息咒語的公主一樣, 每當她面對 Vincent 時, 無論是跟他談話或是見面, 這窒息的感覺也會突然不知從哪裡跑出來, 令她完全透不過氣來…
不過與此同時, 家嵐的內心裡也有一種不知怎的難過感覺... 因為要避開一個自己喜歡的人也一定不好受呢…