同事三分親之信嵐幻想劇-親密關係 I (Ch. 21-30)

第二十一回

翌日, “形”…

家嵐’s office..

勇少諗住拎份嘢俾家嵐簽名….

(敲門聲)

家嵐: 入嚟吖~

勇少: 企問, 呢個借器材出去嘅 form 要你簽名呀~

家嵐: 哦, 好呀~

(簽緊名)

呢個時候… 勇少竟然發現….. 發現嗰隻戴咗喺家嵐手上嘅鑽石戒指…. (奸笑)

家嵐仲未知已經俾勇少見到手上嘅戒指……

家嵐: ok  o架喇, 簽咗喇~ 你地可以攞 d 器材出去用 o架喇~

仲有無其他嘢呀?

勇少奸笑著說: 無喇無喇~

家嵐心諗: 呢個勇少又搞乜鬼呢~ 個笑容都幾蠱惑喎…

不過家嵐無去深究~ 淨係諗佢可能係贏咗馬, 又或者已經喺度諗緊放工之後去邊度玩…

出咗家嵐’s office之後…

勇少: 喂喂… 有料爆呀有料爆呀….

樓華: 又有咩料爆呀? 又係阿邊個邊個姐仔有緋聞呀? 勇少, 你有無 d 有建設性 d 嘅嘢講 o架??

勇少: 唔係呀.. 今次真係有料爆呀…

此時, 路過創作部嘅 Marco, Gary 望住勇少呢個似係真係有料爆嘅樣, 都覺得今次勇少係講真~

Marco: 咁快 d 講嚟聽吓啦勇少…

Gary: 係囉.. 係咩呀???

佢地圍埋一齊講…

勇少: 我地就嚟要改口喇…

Gary: 改咩口呀?

勇少: 改口唔叫企問囉~

Marco: 點解呀?

勇少: 因為我頭先入去搵企問簽名時, 見到佢手上有一隻好閃嘅鑽石戒指呀~ 咁十成十係求婚戒指啦~! 咁咪即係同 Vincent 好事近…. 咁我地咪就嚟要改口叫 “事頭婆” 囉… (鬼馬地笑)

Marco + Gary: 嘩.. 咁真係幾大單喎呢單料…

等我地過返去同欣欣佢地講先~ (蠱惑地笑)

有勇少就無秘密… 都未到 lunch time, 差唔多全棟言氏大廈嘅人都知~

晏晝開完會~ 當眾人仲喺會議室未行出嚟嘅時候…

眾同事即向同在會議室嘅 Vincent 同家嵐連聲恭喜…. 而Vincent 同家嵐就一臉愕然, 完全唔知發生咩事咁…

眾同事: 恭喜晒呀細言生~ 恭喜晒呀企問~ (笑)

Vincent + 家嵐: 恭喜?? 恭喜我地 d 咩呀???

勇少: 哈哈… 你地唔駛做戲喇… 梗係恭喜你地就嚟結婚啦~~ (鬼馬地笑著)

家嵐面紅…

Vincent: 你地點知 o架?

勇少: 哈哈, 細言生… 你係唔需要知我地點知嘅~~~ (奸笑)

Vincent 同家嵐對望咗一眼之後…

Vincent: well…. Thank you~

勇少: 咁幾時請飲呢唔知??? (繼續鬼馬地笑)

我地成班同事一定會去飲 o架.. 咁高興喎~~

樓華: 莫講話你想去擦番餐勁嘅…

勇少: 哈哈… 咁呢個係原因之一啦… 不過我地真係好戥細言生同企問開心 o架!!!!

Vincent: 哈哈, 多謝你地先~

總之到時一定唔少得你地啦…. (笑)

眾人離開會議室之後… 剩番 Vincent, 家嵐同 Diana 未走…

Diana: 估唔到你地咁神秘同埋發展得咁快喎… (笑)

家嵐繼續面紅, 笑而不語~

Vincent: Diana, 你真係生鬼咗好多喎… (笑)

Diana: 真係恭喜晒你地呀~

有 d 咩要幫手不妨出聲喎~ (笑)

好啦, 我都走先喇, 費事阻住你地 2 個喇… (笑)

Vincent: 係你怕我地阻住你同裘俊拍拖咋啩?! (笑)

今次到 Diana 面紅~

3 人同笑~

第二十二回

幾日後~

Vincent’s office

Vincent: 阿俊呀, 我同家嵐今日晏晝要去試禮服呀~我 lunch time 之後都唔返嚟 o架喇~ 有 d 咩你幫我跟啦~

裘俊: 哦, 好呀 Vincent~

唔記得同你講 tim.. 恭喜晒呀~

Vincent: thank you 呀阿俊~ (微笑)

Lunch time

Vincent 落咗去 “形”, 喺家嵐’s office 門口~

Vincent: 老婆, 行得未呀? 我地要去試禮服喇~

家嵐: 你叫邊個老婆呀???

Vincent: 梗係叫你啦~ 除咗你, 我都唔會叫第 2 個做老婆 o架喇~ (笑)

家嵐: 嘩… 好凍呀… (被 Vincent 句對白肉麻親)

Vincent: 你凍呀? (明知家嵐嘅意思~) 咁我俾件西裝褸你著啦~ (笑)

家嵐: 仲凍喎而家~ (笑)

咁仲唔行? 又話夠鐘??

於是信嵐二人就去婚紗店試禮服~~~

婚紗店~

Vincent 一早換好禮服, 坐著等家嵐~

家嵐都換好婚紗出嚟 lu…

Vincent 見到家嵐後呆咗….

Vincent: 嘩……………………….簡直係仙女下凡呀!!!!!!!!!!!!!!!!!!!

老婆, 你好……………靚……………….. 呀…………..

家嵐甜笑並說: 你呀… 又口花花啦~

Vincent: 唔係呀… 唔係口花呀.. 老婆, 真係好靚呀你~

真係有 d 後悔點解我唔早 d 同你求婚呢… 要到而家先見到你著婚紗原來係咁靚, 真係無人能及呀~~

家嵐繼續甜笑

家嵐: 哈哈, 你咁講, 都係想我回贈番你一句, “你都唔差” 咋嘛~ (笑)

Vincent: 哈哈哈… 其實都係 o架~ 咁我著得唔知點呢?

家嵐: (笑) 咪唔差囉~

二人相視而笑~

店員: 言生, 咁你地 d 婚紗禮服啱唔啱呀?

Vincent: 啱呀~

店員: 咁如果無問題嘅, 你地聽日都可以嚟攞 o架喇~

Vincent: ok, 唔該晒你~

離開婚紗店後~

Vincent 車中…

Vincent: 老婆呀, 我地婚紗就試好啦, 咁下一步就去影婚紗相喇喎~ 你想去邊度影呀?? (好雀躍咁問)

家嵐: 好似到而家呢刻為止呢… 我都未係你老婆喎~ 成日亂嗌 o架你~

Vincent: 咁我想快 d 叫你做我老婆吖嘛~ 同埋老婆呢個名好聽過叫家嵐喎~

呀.. 不如咁啦… 你又去改名啦… 唔叫家嵐, 叫老婆啦… (笑)

家嵐: 老婆呢個名都唔好聽… 都係黃家嵐好聽 d… (笑)

Vincent: 咁你想去邊度影婚紗相啫???

家嵐: 你好似好恨去影咁喎….

Vincent: 係 o架.. 梗係啦.. 同你影喎~~ 你知唔知我等咗呢日… em…. 計埋你上年走咗去環遊世界嗰一年… 我等咗呢日都等咗成廿年喇… 我梗係開心 o架~ (笑)

家嵐: (笑) 咁我終於都明白點解你個頭咁大喇~ 因為你成日諗埋呢 d 無聊嘢諗到個頭都大埋~ (笑)

Vincent: 哈哈… 其實我係成日諗住你所以先搞到頭都大咋… (笑)

呀..係呀… 我有個 idea 呀~ 不過我地唔好去搵 d 影樓嘅攝影師幫我地影婚紗相囉… 我地帶埋我地嘅私人攝影師去影囉~ 好無呀老婆?

家嵐: 我地私人嘅攝影師???? 邊個呀?

Vincent: 咪阿哲囉~ 俾個機會阿哲, 亦都俾個機會我地去見識吓阿哲嘅攝影技術嘛~ 咁唔好咩?

家嵐: 都好喎~ 咁都真係好有意義喎~~~

Vincent, 你好叻呀~ (家嵐邊說讚 Vincent 邊怕醜地說著)

Vincent: 吓?? 你講咩話?? 我聽唔到呀~~ 你講多次啦…  (扮聽唔到)

家嵐: 我話叫你專心 d 揸車呀~ (笑)

第二十三回

自信嵐試完婚紗幾日後~

喺某婚紗攝影店~

韋一: 阿哲, d 嘢 ready 未呀?

哲: ok 晒 o架喇一哥~ 而家淨係等對主角埋位就得 o架喇~

韋一: 其實我都係嚟做 back up  o架咋~ 今日嘅揸機人係你呀, 陸哲~ (笑)

哲: 多謝你呀一哥, 肯嚟做我嘅 back up~

我今日一定會俾心機影… 影到對主角好靚 o架~ (笑)

幾分鐘後, 是日主角終於出場喇~

哲: 阿媽~ 你好靚呀~~~~

家嵐: 阿媽著咩你都話靚嘅?!

哲: 咁你人靚吖嘛~

Vincent: 哈哈… 咪係~ 阿哲講得好啱呀~ (笑)

家嵐都沒 Vincent + 哲好氣~ 只笑著~

攝影途中~

哲: Vincent, 呢張你要喺阿媽身後攬住佢….

阿媽你個樣要再甜 d….

係係.. 係咁喇… 我影 o架喇…

嗱, 預備… 1… 2… 3…. (咔嚓)

如是這…. 影咗好多張之後… 終於影完~

哲: ok 喇~ 影完喇~

一哥, 唔該你嚟幫我睇吓 d 相有無問題吖~

韋一: 好呀~

一睇之下..

韋一: 好好呀陸哲你影得~ 張張都好靚~ 每一張都帶出 Vincent 同企問好幸福好 sweet 好自然嘅感覺呀~ well done~

哲笑~

之後哲面向家嵐同 Vincent~

哲: 阿媽, Vincent, d 相 ok 啦, 無問題呀, 你地過嚟揀相啦~

哲行咗過去時…

Vincent同家嵐講: 我地真係無搵錯攝影師喇~ 你睇阿哲, 幾認真幾 pro 呀~

家嵐見到哲咁專業咁認真個樣, 深感欣慰, 深受感動~

家嵐: Vincent, 多謝你呀~

Vincent: 傻妹, 駛乜咁客氣呀??? 我地都就嚟係兩公婆咯~ 同埋都駛乜多謝我呀? 我都無做過 d 乜嘢~ 阿哲係你個仔嘛~ 你多謝你自己先啱~ (笑)

哲: 你地仲唔過嚟揀相???

Vincent: 嚟~而家過喇~ (笑)

揀緊相

Vincent: 嘩.. 死啦… 好頭痛 tim…. (好苦惱的樣子)

哲緊張地問: 吓? 唔係 d 相有 d 咩問題呀嘛??? (緊張地問)

Vincent: 真係好有問題呀 d 相….

哲大驚, 問: 邊度有問題呀??? (勁緊張咁問)

Vincent: 個問題係… d 相實在影得太好喇… 都唔知揀邊張好…. (笑)

哲聽後即鬆一口氣

哲: 呼~ 我仲以為 d 相真係有咩問題 tim.. 真係俾你嚇死喇 Vincent~

Vincent: (笑) 既然咁難揀… 我決定唔揀喇… 我決定張張都要晒佢~~~~

而揀掛起邊張呢??? 阿哲, 你係攝影師, 不如用你嘅眼光幫我地揀啦? (笑)

你話好唔好呀家嵐??

家嵐開心地說: 梗係好啦~ 我都唔知揀邊張好呀~

哲, 阿媽靠你幫我揀喇~

哲: 咁好大壓力 o架喎… (講笑)

三人同笑~

第二十四回

一個禮拜後~

呢一日天氣好好~ 天朗氣清, 風和日麗, 藍天白雲, 陽光普照~ 亦有點微風~ 彷彿連個天都要送一份好好嘅結婚禮物俾信嵐咁~

喺淺水灣一個背山面海而且露天嘅言氏私人會所度… 門口有一個牌寫住: “Vincent & Ka Nam”

呢度就係信嵐嘅結婚場地~~~

場內以白色, 粉紅色, 同埋紫色為主~ 有好多呢 3 隻色嘅汽球~ 亦都有好多好多嘅粉紅玫瑰, 白百合, 毋忘我, 薰衣草, 滿天星, 同埋紫色嘅鬱金香嚟做佈置~

“形” 一眾同事嚟到…. 一踏入呢個好有童話 feel 嘅花花世界….

彤彤: 嘩…. 好靚呀….. 好多花呀… 而且 d 花種種都有唔同嘅花語, 好浪漫呀~

欣欣: 係呀~ 好似粉紅玫瑰咁… 即係代表感動、愛的宣言、銘記於心,

白百合呢就代表純潔同埋心心相印,

毋忘我呢就代表真摯的愛,

薰衣草其中一個花語就係不變的愛~

而滿天星就代表喜悅,

最後紫色鬱金香就係代表無盡的愛同埋最愛

Lily: 細言生真係好浪漫呀~ 連呢 d 擺喺婚禮場地嘅花都咁有心思~ 每一種都有 d 咁浪漫咁 sweet 嘅意思~

Doris: 我收到風呀~聽講呢度咁多花係 Vincent 特登喺好多世界各地唔同嘅地方度訂番嚟 o架 tim 呀~ 而且一 d 都唔平 o架~

譚姑娘: 細言生真係好好呀~ 又浪漫又有心思又錫企問~

彤彤: 係囉~ 真係好令人羡慕呀~ 如果我第時個老公識咁氹我就好喇~

勇少: 阿哲, 你要學吓 Vincent 喇咁 (笑)

呢個時候, 家嵐翹住Vincent 一起走過來迎接 “形” 一班同事~

家嵐: 你地嚟咗喇~ 快 d 入去坐同埋食嘢啦~

眾女同事: 企問, 你今日好靚呀~~~

家嵐甜笑: 多謝~

Vincent: 哈哈, 我老婆幾時都咁靚 o架啦.. (笑)

家嵐輕打了 Vincent 一下: 吖.. 你呀…. 又口花花….

眾笑~

所有賓客都到齊後, 場內每一個人都真心的替信嵐二人感到幸福, 開心~

而呢個時候, 信嵐呢個結婚 party 終於嚟到一個最令人感動嘅高潮位~

此時, 信嵐上咗個喺白色帳篷下嘅台….

Vincent: 我今日真係好開心, 好多謝大家百忙之中都抽空出席我同家嵐嘅 wedding party~ thank you so much~

其實我等咗呢一日真係等咗成 20 年喇唔好講笑~ 等到條頸都長晒, 真係差 d 就俾人送去動物園做長頸鹿喇~

台下眾人聽到後, 個個都感受到 Vincent 的幽默, 都大笑了~

Vincent: 不過好好彩… 喺我就被人送去動物園嗰刻.. 家嵐終於答應做我言為信嘅太太, 我呢隻長頸鹿先可以唔駛去動物園, 留番喺佢身邊~

眾人又笑~

Vincent: 好記得喺個幾 2 個月前, 我喺 London Eye (註: 此乃真有其物, 是倫敦一個好大好出名嘅摩天輪) 嘅見證下同家嵐講咗一番說話…. 至於詳細內容係咩呢… 我就費事講喇… 費事陣間我講完之後你地個個都起晒雞皮啦~ (笑)
(p.s. 因為間 London Hospital 草地嗰邊係向住 London Eye)

眾人也笑

Vincent: 不過其中有一句說話, 我好想今日再同家嵐講 o架~

家嵐, 我對你嘅愛係會似天上嘅星星一樣~ 會至少 last 一百億年 o架~

家嵐, 我愛你~

家嵐聽後感動得喜極而泣~

此時台下眾人起哄道: 咀佢, 咀佢, 咀佢…..

Vincent 亦都好順從民意, 往家嵐的嘴唇上給了情深的一吻~
眾人歡呼~

第二十五回

婚禮結束後, 當晚信嵐二人仲喺會場上執緊嘢~

執完時, Vincent 走向家嵐, 並用雙手環抱著家嵐的腰支~

Vincent 溫柔地把額頭慢慢的貼向家嵐的額頭, 並說: 老婆~~~

家嵐甜笑~

Vincent: 好嘢, 你終於肯做百份之一百屬於我言為信嘅黃家嵐喇~ 你終於肯做言太喇~ 而我又終於可以名正言順咁叫你做老婆喇~ (甜笑)

家嵐: 你覺唔覺得自己講嘢好肉麻呀? (笑)

Vincent: 唔覺喎~ (笑)

二人四目交投, 此時無聲勝有聲~

正當 Vincent 欲吻眼前的家嵐時~

此時被還在幫忙收拾東西, 從另一邊走過來的本少跟阿哲看到~

本少: 嘩嘩, 你地兩個駛唔駛咁痴纏呀? 呢度雖然係私人會所啫, 不過都係公眾地方嚟 o架~ 你地呢 d 攬攬錫錫都係留番等陣間你地返屋企先做啦~ (笑)

哲: 哈哈, 兒童不宜呀~ (笑)

Vincent 同家嵐都感到十分尷尬, Vincent 即刻放開懷裡的家嵐, 而家嵐就迅速面紅, 並低著頭~

Vincent: (尷尬地語氣) er…… er…….. bro…. 你地仲未走咩???

本少: 如果走咗都睇唔到頭先場戲啦~ (取笑 Vincent)

Vincent 呢個時候都面紅~

本少: 哈哈, 好喇~ 唔玩你地喇~ (笑)

係老豆叫我同阿哲喺度幫你地手執埋 d 嘢嘛~

Vincent: 哦~

此時, 哲走近 Vincent 身邊, 並在 Vincent 耳邊說: Vincent, 你睇你, 搞到我阿媽塊面紅晒喇~ (笑)

Vincent: 吖… 阿哲… 你…. (有點不好意思的說)

本少: 阿哲, 我地都執完喇河? 我地走喇~ (向哲打眼色)

哲: 係呀係呀, 我地執完喇~ 你地慢慢啦~ (奸笑)

本少 + 哲: bye bye (邊說二人邊很匆忙地走)

Vincent + 家嵐見狀均尷尬地笑著~

之後, Vincent 就同家嵐一齊返佢地嘅屋企~

當 Vincent 把車停在他們的家樓下後, Vincent 到另一邊, 替家嵐開車門~ 並不待家嵐踏出來就把她抱起~

家嵐: 言為信呀…. 做咩呀你? (怕醜地問)

Vincent: 梗係唔駛我個靚靚老婆行啦, 我決定抱佢返屋企~

家嵐: 放低我呀… (邊說邊輕打 Vincent 心口)

Vincent: 唔放, 死都唔放~ 我咁辛苦先娶到你做我老婆, 我唔會放手 o架~ (笑)

家嵐聽後甜笑著並繼續輕打 Vincent 心口~

上到屋企~

回到睡房, Vincent 才肯把家嵐慢慢的放在床上~

家嵐: 言為信呀…. (撒著嬌的語氣, 想怪責 Vincent 一直抱著她, 令她尷尬似的)

Vincent 看到家嵐這個怕醜撒嬌的樣子, 覺得家嵐好可愛~ 終於忍唔住吻向家嵐的嘴~

這一吻也不知長達多久了~

就這樣, 信嵐二人就這樣地過了甜蜜的一個晚上了~

第二十六回

翌日早上~

Vincent 醒來了~ 一張開眼就見到家嵐還在自己的懷裡睡著~ Vincent 望著酣睡著的家嵐, 心裡感到真的幸福無比~甜笑了~

此時,家嵐發開口夢, 說: 大頭仔… (笑) 你個頭再大要睇醫生喇… (續笑)

Vincent 聽到後, 不禁笑了~ 並輕聲說: 傻妹呀~ 發夢都諗住我個頭….

同時亦心諗: 呢隻懶瞓豬真係好可愛呀~

Vincent 輕輕地在家嵐的額頭上吻了一下~

Vincent 怕自己落床會弄醒還在睡著的家嵐, 所以一直靜靜的躺在床上, 躺在家嵐身邊, 靜靜的看著眼前這隻可愛的懶瞓豬~

不知過了多久後, 家嵐終於睡醒了~ 慢慢的張開眼睛~ 看見眼前的大頭仔看著自己竟然睡著了的樣子~ 甜笑了~

家嵐輕聲的說: 傻佬~ 並用指尖輕輕點一下 Vincent 的鼻尖~

Vincent 隱約聽到了一個只有家嵐才會叫他的名字—傻佬, 就緩緩地睜開眼睛~ 對住家嵐笑了~

Vincent: 早晨呀老婆~~~

家嵐: 早晨呀老公….

聽到家嵐叫自己做老公~ Vincent 心甜了~

Vincent: 你隻懶瞓豬, 你知唔知你頭先發開口夢呀~

家嵐: 吓??? 係咩??? 咁我講咗 d 咩呀?? (緊張地問)

Vincent: 你呀, 你發夢都掛住大頭仔呀~ 仲話大頭仔個頭再大要去睇醫生 tim 呀… (笑著地埋怨著說)

家嵐聽後笑了, 說: hehe~ 係咩? (伸脷)

Vincent 對著可愛的家嵐完全毫無招架能力, 只懂甜笑~

Vincent: 好啦, 懶瞓豬~ 你老公我而家要抱你去刷牙洗面喇~

家嵐: 唔制呀~ 又抱?! 唔俾你抱呀~

(說罷就自己走了落床, 逃跑了出房)

Vincent: 我實捉到你, 抱到你去廁所刷牙洗面嘅~

於是二人就在屋內追逐了一番~ 不亦樂乎, 甜蜜非常~

追逐過後, 二人梳洗完後~

在廳~

Vincent: 老婆呀, 過嚟吖~

家嵐過咗去 Vincent 身邊, 跟 Vincent 一起坐在梳化上~

家嵐: 點呀? 做咩呀?

Vincent: 我地不如趁而家得閒去執行李囉, 好唔好呀? 因為我地多兩日就飛啦嘛~

家嵐: 飛去邊呀? (一面問號的問道)

Vincent: 你隻大頭蝦唔係唔記得咗我地 book 咗機票兩日後去 honey moon 呀嘛???

家嵐: 係喎, 你唔講, 我真係唔記得咗 tim~ (又伸一伸脷)

Vincent 笑著用手指點了點家嵐鼻尖, 說: 大頭蝦~ (笑)

說畢, 二人就回房執行李~

第二十七回

兩日後….

信嵐就飛咗去渡蜜月~ 仲一去就去咗兩個月~

兩個月裡二人去咗好多地方… 就如北海道, 威尼斯, 奧地利, 維也納, 瑞士~

信嵐二人在這兩個月期間, 每一日也過得十分快樂~ 每一日也到處遊山玩水, 不亦樂乎~

眨下眼~ 信嵐去渡蜜月嘅嗰兩個月就已經過咗 lu~ 而佢地亦都返咗香港成個月 lu~

某日….

喺 “形” 女廁….

家嵐係咁嘔… 嘔得好犀利… 犀利到好似嗰次寵如玉事件咁..

而今日又係咁啱俾彤彤見到呢一切….

彤彤一邊好擔心企問, 一邊衝出去搵阿哲…

彤彤: 阿哲呀… 企問而家喺廁所嘔得好犀利呀…. 咁點算呀???

哲: 吓??? 點解會咁 o架??? 頭先佢都好似無乜嘢, 好地地咁 o架喎…. 我而家去搵 Vincent 先…. 你幫我睇住我阿媽先啦….

說罷, 哲即刻跑上 10 樓搵 Vincent….

Vincent’s office

哲: Vincent…. Vincent… Vincent…. (喘氣)

Vincent: hello 哲… 點呀你??? 慢慢呌順條氣先再慢慢講啦….

哲深呼吸一下之後就無咁喘氣… 就同 Vincent 講佢想講嘅嘢….

哲: Vincent 呀, 阿媽唔知做咩事呀…. 彤彤話佢而家喺廁所到嘔得好犀利呀… 佢今朝食咗咩嚟呀?

Vincent: 吓??? 點會咁 o架???
(Vincent 大為緊張)

Vincent: 無呀.. 佢今朝咪同我一齊喺屋企食早餐囉… 我都無事… 不過唔好講咁多喇.. 我地而家即刻落去睇吓佢點啦…

Vincent 都未講完, 佢同阿哲就已經跑番落 7 樓 “形”…. 衝去女廁門口…

“形” 女廁門口…

Vincent: 家嵐.. 家嵐… 你點呀??? 你見邊到唔舒服呀? 一係我而家入嚟同你去睇緊醫生吖…

哲: 係羅.. 阿媽.. 你點呀?????   你俾我地入嚟同你去睇醫生吖… 你咁嘔法唔掂 o架喎…

家嵐: 我…. 無事呀….
(都未講完句說話就已經繼續嘔…)

彤彤: 企問仲繼續嘔緊呀…

呢個時候.. Vincent 同哲已經衝咗入女廁….

Vincent 見到嘔到面青口唇白嘅家嵐感到好心痛… 即刻上前半扶半攬實家嵐….

Vincent: 家嵐.. 我同你落去樓下搵 bro 睇睇先啦…

第二十八回

6 樓本少診所

Vincent: hey bro, 你快 d 幫我睇睇家嵐咩事吖… 佢頭先係咁嘔呀…

本少: ok, 你扶家嵐入嚟我房先啦…

本少: 家嵐, 你見點呀? 有邊度唔舒服呀?

家嵐: 無呀… 只係個心口有 d 翳住翳住…. 有 d 作嘔作悶, 仲有少少反胃嘅感覺呀

本少: 嗱.. 家嵐我而家幫你檢查吓先….

家嵐: 唔該你呀本少~

檢查完….

Vincent: 家嵐, 點呀… 無咩事嘛??? 而家有無好 d 呀?

家嵐: 無事呀…

Vincent: 唔會無事嘅.. 你唔講咁等我問 bro 先…

Vincent: 點呀 bro?? 家嵐佢咩事呀??? 駛唔駛入醫院呀???
(勁緊張咁問)

本少: (微笑) Vincent.. 唔駛咁緊張… relax…

Vincent: 我點可以 relax 呀呢個 moment?? 我老婆唔舒服喎.. 佢好辛苦喎.. 佢有事喎….

本少: 我好明白你而家嘅心情… 但係..真係唔駛咁緊張喎…

Vincent 開始有 d 火喇..

Vincent: 咁嗰個又唔係你老婆.. 你梗係唔緊張啦…

我而家去揸架車送家嵐去醫院喇…

本少: hey Vincent.. 你冷靜 d 啦…. 其實家嵐真係無咩事 o架… 而係….

Vincent: 無事又會嘔成咁???

本少: Vincent, 你聽我講先啦….. 家嵐佢係有咗 bb 呀… 即係話你就嚟做人地爹哋呀…

Vincent: bro, are you serious??? 你講真 o架????
(Vincent 好 surprised 咁問)

本少: 係呀.. 啱啱同家嵐做檢查時發現佢啱啱有咗 2 個月呀… 因為懷孕初期 d 孕婦身體會做出唔同嘅反射… 有 d 人可能會無乜嘢.. 但係有 d 人就會嘔得比較犀利…. 不過係正常 o架… 唔駛擔心呀… (微笑)

你睇你吖…. 緊張成咁… (取笑著 Vincent)

Vincent 面紅紅, 尷尷尬尬咁…

而喺 Vincent 身邊嘅家嵐見到 Vincent 頭先咁緊張個樣, 亦覺心甜~ 而且見到 Vincent 呢一刻俾本少笑嘅樣… 都忍唔住喺度偷笑….

本少: 咁家嵐, 你休息吓就得 o架喇… 如果有需要我都可以開 d 止嘔藥俾你 o架…

家嵐: 哦, 好呀, 唔該晒你呀本少~ 不過我諗我應該 ok 呀.. 應該都唔需要止嘔藥住…. 而家都好似好過頭先好多喇…

本少: Vincent, 咁你就早 d 放家嵐工, 同埋唔好俾咁多嘢佢做.. 等佢休息吓啦今日… (笑)

Vincent: 哈哈… 梗係… 我點捨得我老婆而家操身大細仲咁辛苦呀..

家嵐: 吖.. 你呀.. (輕輕打咗 Vincent 一下)

本少: 你地 2 個真係呢… 我都無眼睇喇… (笑)

家嵐面紅, 而 Vincent 就面上流露出甜蜜嘅笑容

本少: 講正經呀… 咁你地諗住幾時同老豆講呀?

Vincent 望一望家嵐…

Vincent: 唔….. 咁佢係 bb 個爺爺… 咁都要盡快話俾佢知啦… maybe等佢 3 個禮拜後喺四川返嚟我會同佢講 o架喇… 如果唔盡快同佢講我諗我地之後有排煩呀…

本少: 哈哈.. 咁又係呀… 你地到時實俾老豆 “哦” 死呀…. (笑)

好啦咁…你地盡快同佢講啦…

第二十九回

之後 Vincent 就同家嵐離開本少診所… Vincent 送家嵐返屋企

返到屋企

Vincent: 老婆, 小心d 呀… 慢慢嚟呀…

(Vincent 好小心咁扶實家嵐)

家嵐: 得喇.. 我又唔係 d 七老八十嘅婆婆…. 唔駛你咁扶實我喎…

Vincent: 唔得…. 唔扶實你點得呢?? 你今日已經嘔到無晒力喇… 同埋老公扶老婆好正常啫… 哈哈~

家嵐都沒好氣地望住 Vincent 微笑~

Vincent 扶住家嵐去梳化度慢慢坐低…

此時 Vincent 蹲低身, 蹲在家嵐面前, 把耳朵慢慢的靠向家嵐個肚…

Vincent: bb, bb.. 我係你爹哋呀… 你聽唔聽到我講嘢呀?

家嵐望住眼前嘅 Vincent, 笑咗笑…

家嵐: 傻佬, 佢邊有咁快識聽你講嘢呀…

Vincent: 哈哈… 又係喎…. 不過唔緊要.. 等佢早 d 聽熟我把聲… 咁遲 d 等佢出世就會痴我多 d 啦… 哈哈哈哈…

家嵐: 你真係傻佬嚟 o架…. 仲有成 7-8 個月佢先會出世 o架~

說罷, 家嵐繼續望住 Vincent 流露出幸福甜蜜嘅笑容

Vincent 同家嵐肚入面嘅 bb “傾完偈” 之後… 坐喺家嵐身旁….

Vincent: 老婆, 多謝你呀…. 多謝你幫我陀住個 bb 呀~ 呢幾個月就辛苦你喇…

家嵐聽後感動, 不過又不失佢鬼馬嘅一面…

家嵐: 係 o架… 係好辛苦 o架… 咁我咁辛苦… 你有 d 咩獎勵吓我先?

Vincent: em…… 無 o架…. 淨係會每日都錫到你燶咁囉…
Vincent 講完就即刻錫咗家嵐塊面一啖

家嵐: e… 你好肉麻呀言為信…

Vincent: 但係你受喎… 你睇你笑得幾甜呀…

家嵐面紅, 甜笑

第三十回

第二日…

Vincent 拖實家嵐返公司

喺樓下大堂升降機門口…

眾人: Vincent, 企問早晨

Vincent, 家嵐: 早晨

勇少: 嘩… 言生言太真係恩愛 o架啫… 日日都拖實晒手… 十指交纏標晒手汗咁返工
(勇少鬼馬地笑著說)

哲: Vincent 同我阿媽梗係恩愛啦… (笑)

家嵐低頭面紅….

譚姑娘: 你睇你地吖… 搞到企問面紅喇…

眾笑

此時家嵐塊面更紅…

返到去 “形”…

Vincent 送埋家嵐入 office, 坐低咗…

家嵐: 得喇… 你返上去做嘢啦…

Vincent: 但係我唔捨得你喎….

家嵐: 口花花啦你…(笑)

Vincent: 咁陣間 lunch 一齊食啦, 得唔得呀 Mrs. Yin?

家嵐: 唔… 等我睇睇個 schedule 先….

30 秒後…

家嵐: ok 呀… 今日呢個 lunch time 可以俾你呀 Mr. Yin~

Vincent: good… 咁我陣間 lunch 落嚟接你啦…唔好咁 miss 我喇~ (笑)

家嵐: 呀… 我先唔會 miss 你呀…

Vincent 臨行出家嵐’s office 前…

Vincent: 講真 o架… 如果你陣間又想嘔, 又或者好唔舒服記住話我知呀…

家嵐: 得喇, 長氣… 你由今朝出門口已經講咗好多次喇… 咁長氣呢, 遲 d 連老人院都唔收你喇…

Vincent: 咁老人院唔收我, 你收我囉… 哈哈… 好啦… 我真係上返去做嘢先啦… bye bye 老婆… bye bye  bb…. (笑)

家嵐: bye bye......