國慶08@尖沙咀

08年10月1日(晴)

今日天氣好好 .. 同阿包去睇煙花 ... 但係要九點先放 .. 咪行一陣街街再食野 .,. 去到尖東站同商場一放落地就巳經跑跑跑  ( 追C我地咩 ) ... 但太多人啦 .. 其他人又要避佢 .. 咪要即刻抱走佢 ( 我地今日無帶BB車 )  ... 咪走去行 needs 揾架 shopping cart 困住佢 .. 點知呢到d車無 seats 位 ... 好彩有架大車 ..咪將佢成個人放落車到 .. 當然唔會咁順攤坐响到 .. 佢一企我地就唔開車 ... 又比d食物引下佢 .. 咁都可以買到野 .. 哈哈 !! 

過馬路時又想掙扎落地 ... 隻衰豬都唔知點得黎咁大力 ... 好攰呀 ... 咪走去 piz
za hut 食 .. 貪坐佢兩個鐘都唔會比人眼超超 ... 去到又真係好乖咁坐定定食野 .. 叫佢做咩都得 .. 真係無幾何 .. 呵呵 !!

~ 餐牌上有個 "切圖" 形狀既洞都玩得一餐 ~

~ 叫佢望鏡頭 就係咁 ~

~ 叫佢比個 smile 就係咁 ~

食到八點幾要走啦 !! 換埋片片都仲剩番20分鐘 .. 唸住近近地去尖沙咀中心 .. 距離紅磡站又近 ... 所以呢幾年都係擇呢到睇 ....  附件幾條巳經封左 ... 咁走好放心咁放阿包落地行 ... 落到地簡直不得了 .. 阿包一直向前走走走 ..  媽咪要以跑既方式先可以爬前頭影相 ... 你話佢走得幾咁快 ...  

~ 走走走 ~

~ 爸b又要响後面追追追 ~

~  阿包突然間跌低左  ... 好叻叻識自己起番身  ~

~ 跌完先肯比隻手爸B拖住 ~

~ 放煙花前影番張相先 ~

~ 好野 ... 有得睇煙花 ??? ~

~  仲有呢到呀 ~

~ 果度有咩咁吸引 ?? ~

~  攪到阿包要咁樣望 .. 咪就係後面有個小朋友食緊朱古力 .. 小朋友乖乖請阿包食 ... 不過阿包怕羞仍然唔囉  ..  呵呵 ~

~ 煙花開始啦 !!! ~

其實我地睇左 15分鐘到 .. 就起行反屋企啦 !!  怕走既時代太多人 ... 不過行到天穚附近阿包巳經訓著左 lu ... 爸b抱捉全程咁濟 . . 辛苦哂 ... 响火車又有人讓位 .. thank you so much !!!