刺痛的話@你睇我好,我睇你好吧!

呢幾日都聽到d說話, 令我很不舒服! 好像無時無刻在提醒我破產的事情!

當九月份要交25000學費前一個月, total lost 所有錢! 二個月時間搵番25000貼番條數, 首先全份糧唔用都無la! 然後好自然, 放左隻美維, 樸小d錢, 頂住先, 放左之後, 竟然銀行果邊有d問題, 要hold住d錢, 迫不得已, 最後都要問人借黎交左個學費! 我都已經唔計, 放左隻野唔知發咩顛升… 可能我黑住佢la, hold左幾年都唔x郁! 一放就升凸! 放左就唔唸賺定蝕! 點知比人話傻仔, 二元都放…我想架? 我完全無唸過折墮到要賣股票!! 咁早之我問佢地借錢, 我咪唔駛做傻仔law! 好憎人事後大大炮! 咁勁比六個號碼我, 唔好口響響!

好好地, 打算買480的演唱會飛, 又聽到 “有錢la”

個市升, 又話 “賺唔少la”

“供樓好慘呀, 你就好la, 唔駛供”

(買飛都係credit住先, 我幾年先睇一次concert, 都唔過份吧! 只係你肯唔肯花係呢度吧! )

(我無股係手,根本唔關我事!)

(我連首期都無, 我係無資格供樓! 都唔知邊個慘d! 如果你覺得你慘d, 咁不如你放左層樓, 然後排公屋, 咪可以同我一樣law!)

呢d說話, 言者無心, 但我聽到只係覺得全部都挖苦緊我…..嘲笑著今天的我是多麼失敗!