好痛心

睇今期U，才知道杭州有這間建在古蹟中的、風格零舍不同的麥當勞。

其實這段新聞早於上年9月22日已經出現，為何今期U才報道，唔知；係咪有乜新搞作，唔知；為何我竟然要睇今年2月1日的U才知道這單上年9月22日的新聞，都唔知——只是看到圖那刻，真係心痛。

為何中國的古蹟會搞到如斯田地？

這棟古蹟其實不算太古，至今都係得80年歷史左右，前身是杭州營業額最多、人流最多的商店張允升百貨商店喎，而百貨店前身又是杭州市級文保建築——單看這個Term唔係好清楚，總知入面有民國時期留下啲舊嘢，好似二樓和三樓的木樓梯啦、彩色玻璃窗啦、圍繞中庭的鏤空雕花欄杆啦等等。

放心喎！呢啲舊嘢唔會好似天星鐘樓咁畀人剷走，明報話「麥當勞方面表示，裝修時，對房子進行加固和維護就花去人民幣幾十萬元，裝修風格也與全球統一的麥當勞餐廳大為不同，這種風格餐廳在中國全國的麥當勞連鎖店中只此一家。」人地老麥都咁錫住棟嘢啦，你驚乜鬼嘢唧？但超咁又點呀？屌！任佢講得幾冠冕堂皇都好，硬闖就係硬闖，強姦就係強姦，你聽過軟闖和弱姦麼？你估佢地會做蝕本生意麽？人民幣幾十萬？對佢地黎講算得乜啊！上面老麥1個餐係同香港一樣咁貴啊！分分鐘仲貴啲添！(總知印象中就係好貴)，一個漢堡包，可以換街邊舖頭十幾廿個煎蛋包喇(雖然可能用假蛋)，容乜易賺返。都唔知人工會唔會同香港一樣咁賤價(註1)，分分鐘仲賤啲添！

覺得痛心，除了因為老麥本身視人力資源(簡稱人命)如草芥，以及不斷製造假象去掩飾身上的屎，還因為再咁落去，不知還有多少古蹟就這樣玩完。其實，1月中也有一單類似新聞(註2)，話Starbucks(竟然！)在紫禁城(正確是乾清宮南)開舖頭！真係荒天下之大謬，痴晒線！點可以拿著杯咖啡走入去參觀明清皇帝的地方呀？儘管中國經濟起飛勁過穿梭機，但再係咁畀外資品牌揉藺我們的古蹟，和以前清朝打後被列強瓜分中國又有啥分別？

講到尾都係錢——明知的，但改變不了。唉，杭州巿那個咩鬼巿級文保建築組織又唔爭氣。

雖然上次星巴克單嘢已經夠引起激烈討論，但段估上面未興講「集體回憶」，恐怕將來也不止這間。實在很擔心遲吓中國開到就圍都係老麥(其實而家都係)，我不想老麥在萬里長城開舖，然後話「對長城進行加固和維護就花去人民幣幾十萬元，裝修風格也與全球統一的麥當勞餐廳大為不同，這種風格餐廳在中國全國的麥當勞連鎖店中只此一家。」——連在外太空也看到的！

鬼唔望第時有人在自由神像下開間全聚德，賣片皮鴨。

講完一大輪，先醒起其實香港赤柱前差館，都租咗畀惠康。但OK，至少惠康冇老麥咁虛情矯飾。

註1.(明報新聞)麥當勞董事總經理劉士盛指出，麥當勞現共有逾1.4萬名員工，04年開始按年資、工作表現等作出薪酬調整，加薪幅度由3％至14%。前線員工的時薪已於去年底加至17元，整個團隊的平均時薪則有19元，預計明年亦會作出薪酬調整——得雞碎咁多，著住阿葛設計條牛記，TK氏件衫又點唧？

註2.(北京新浪網)原來星巴克已經在故宮開了六年(幾年前去過一次，但冇為意)，許多人對此已見怪不怪。但近日(1月16日)央視著名英語主播芮成鋼卻發出抗議，認為『故宮里的星巴克』是種視覺污染，對中國文化是種糟蹋。他說難道北京烤鴨也可以把分店開進白宮，狗不理包子也能上國會山嗎？——要點頭同意！