唔開心呀!

個巿跌到嚇親人,當我成日以為唔關自己事之時,又有人同我講話我要有定心理準備....準備最差既時候既來臨。

我知道自己已經算係幸福既一群,但係,諗起又要顧住份工,又要唔亂咁買野,又要慳得一蚊得一蚊,覺得好慘....明明上年滿心歡喜咁覺得經濟幾好喎,可以無乜負擔喎,可以去多d旅行喎,可以買多d野唔駛成日話無錢喎....點知當我有d興致咁諗起好啦要瘋狂大購物既時候,就比海嘯"襟"死左啦......

好唔開心囉.........明明無買股票無貪心無買基金腳踏實地......明明安份守己....無啦啦又要驚裁員驚減人工驚無錢前路茫茫..............

妖!

好憎"金融"呢兩個字! 好彩總算轉左行...雖然可能一樣咁衰,但總算無沾染呢樣野....呢樣好憎好憎既野!!死啦,之前係大新我間接都有幫大新做個d 呃人既marketing materials....諗起都厭惡....

P.S.老公話要係度講一句:今日見証左同一日同一隻股票既四隻牛証竟然同時被收回(即係比人劏左)好經典!!! 不過好彩無比"襟"親! 期待快D聖誕去游水...(好彩你無被"襟"親.....奸爸爹!!)

仲去游水...仲去旅行...

唔理LU,反正下年都衰架啦,財散人安落,今朝有酒今朝醉!!!

其實我明白老公既意思,佢想去游水就係想練習下,等海嘯黎既時候無咁易被沖走條泳褲!!!嘩哈哈!! 好彩我一早係泳隊!!!