網誌分類：Music World |
烏克蘭軍火船被索馬里的海盜騎劫, 海賊被美國軍艦重重包圍之下, 仍然獅子張大口, 索價二千萬美元贖金, 仲揚言"所有人都要陪葬", 如此妄言, 即刻令班海盜升上國際舞台, 成為神七第一步後的另一個焦點.
搞出咁大單野來, 都只能怪係"錢"惹來的禍. 烏克蘭政府聲稱批軍火是準備運往肯亞, 但肯尼亞唔想一丘之駱夾埋講大話, 拒絕了有關的說法. 後來美國情報網揭露批貨的買主原來係蘇丹政府. 一單的軍火交易, 都要進行得如此的偷偷摸摸, 何必呢? 事緣蘇政府早前因達爾富爾問題, 同聯合國交惡, 被人實施禁運制裁, 對於這班終日活係戰火邊緣的蘇丹軍人尼講, 飯可以唔食, 但仗就唔可以唔打, 聯合國唔比蘇丹明買明賣, 佢地唯有同烏克蘭進行地底軍火交易. 呢班索馬里海寇, 唔好以為佢地只係一班肌肉發達頭腦簡單, 淨係識明搶豪奪的海賊. 事實上佢地當中有唔少人都有軍人背景, 佢地熟透武器同戰鬥理論, 亦成功做過唔少的大茶飯, 有多年海上行劫的經驗, 今次呢部"芬娜號", 可謂係佢地的囊中物. 貨主明知索馬里一帶海盜橫行, 都堅持行經呢個海域, 今次被人劫, 都只能怪係自作孽.
海盜活動在地球上每個有海洋的地方都會有, 今次事件之所以能夠成為全球焦點, 除了海盜的說話夠狂妄, 圍捕的軍艦夠"classy"外, 船上的贓物亦係原因之一. 船上主要的贓物係33部俄式T-72型坦克, 俄製坦克一向以實用, 威力強大而聞名, 美國最擔心這批軍火萬一落係恐怖份子的手中, 會利用這些武器去發動一次"坦克版911", 美國經濟剛剛己被金融海潚沖擊過, 對外又要面對伊朗北韓的挑逗, 再來一記恐怖襲擊, 我諗布殊呢一年會無覺好訓!
冷 2008-10-04 18:18
你談的這單國際大新聞，原來現代海盜有扮演着幫助國際恐佈份子呢？
好可怕的結果