網誌分類：未分類 |
前幾日收到一個舊朋友的電話, 好驚訝佢相約食飯, 大家都差唔多一年無見, 對佢或多或少都有d「歉意」. 佢曾經對我好好, 曾經每兩三日會見一次, 曾經管接管送, 曾經帶我去見他的朋友/家人, 曾經他對我說了. 我知佢對我很好很好...我亦知道佢係一個好人, 很照顧我, 會將我放係第一位.... 但係....
係我自己有私心, 想以後會有人關心我, 想有「幸福」的感覺. 但我錯了, 我實在不該浪費佢既時間. 我無辦法將佢從 「朋友名單」上轉移到「戀人名單」上. 或者係我自己既問題, 第一眼係朋友就係朋友, 唔可以將身份「轉營」. 我真係唔想咁樣無左個朋友, 我曾經以為自己可以處理得好好, 但其實我做唔到, 我將事情越搞越衰.... 到最後我不得不坦白承認我很喜歡佢, 但唔係鍾意佢. 或者係我既錯, 令到雙方都好難堪, 最終佢都係「失蹤」左.....
再次見面, 並無我想像中既僵局, 但我始終欠佢一句sorry. 佢都坦然係愛情世界裡根本無可能分對與錯, 當時覺得係「愛」就會不斷付出... 呢個世界就係咁, 付出幾多並唔代表收穫幾多. 我好開心佢肯體諒/明白我, 肯再次加入我既「朋友名單」上.
年紀越大就會發覺朋友好似越黎越小, 所以會更加珍惜身邊既人, 唔想因為一d小事而影響我地之間既友情(感情), 好開心能夠再次同佢做返朋友, 難得既係佢對我依然好好, 不過此「愛」不同彼「愛」罷了...
維納斯女神 2007-09-12 14:02
HATA 2007-09-12 09:22
每個人既觀點同對愛既睇法當然會唔同, 你講既野都好合理, 有你0岩既地方
我要指出既唔係要你愛一個你唔愛既人, 而係愛一個"你愛佢, 但佢更愛你既人", 我相信一見鍾情, 亦知道愛情亦須要培養, 經雙方認識, 了解; 有邊對戀人唔係一開始先對對方有好感, 跟住互相俾機會大家去了解, 加深感情先? 問題都只係你會唔會俾機會對方 (當然你可以唔俾啦)
愛自己當然好重要, 咁先會有"自我", 唔會受人擺佈, 亦唔會受他人既情緒所影響; 我又覺得"應份"同"愚不可及"你呢點講得好好, 不過人總會經常做d"愚不可及"既事, 一錯再錯... 你可以話佢地係執迷不悟, 但你又可以話佢地對對方仲抱住一絲希望... 你可以話佢地蠢, 唔值得同情, 不過呢d都係旁人既眼光, 同情與否都唔係當時人既感受, 只要佢地真係有汲取教訓, 真係有成長, 就算再一次受到傷害, 我相信佢地應該會無咁"痛"
試問有幾多苦戀中既情侶可以灑脫地"抽身離去"? "拖拖拉拉"可以話係最襯佢地既詞語... 我都覺得要証明俾對方睇"我活得比你好"係一個好好既方法, 不過先決條件係可以"抽身離去"
P.S. 我唔係challenge你既觀點呀, 只係想表達一下自己既睇法, 交流交流下0者~
Yan 2007-09-11 23:58
但我相信愛一個唔愛自己既人, 最終受傷害既始終係自己. 唔愛就係唔愛, 無得去勉強佢去愛自己, 亦都唔好期望佢會對自己好; 當佢對你好少少, 你又錯覺佢愛你; 一直咁自欺欺人, 一直咁傷害緊自己...
如果要浪費時間愛一個唔會愛自己既人, 倒不如利用多d時間去愛自己.... 當可以愛自己多d既時候, 你會發覺要令自己開心其實好簡單, 人地再無可能操控自己既情緒; 或者簡單d講, 為一個愛自己既人而唔開心, 呢d叫做值得, 叫做應份; 為一個唔會愛自己既人而唔開心, 呢d叫做愚不可及.
我只係知道.... 傷害受過一次, 可以值得原諒/憐憫; 但一而再咁令自己受傷害, 咁....仲值得同情??呢d都唔係自己自招的嗎??? 人之所以會成長, 係因為我地可以從過去吸取教訓... 點解唔可以係兩敗俱傷前抽身離去, 好好證明俾人睇 "我活得比你好", 而要係片體鱗傷後先講 "問心無愧"??
HATA 2007-09-11 15:54
你講得好0岩既就係愛情無分對與錯, 有既只係"錯愛", 愛上一個不該愛既人
私心係人都會有, 唔只你一個, 有邊個唔想得到幸福呢? 你有權選擇愛邊個, 俾邊個愛, 同樣地人地都有權咁選擇, 我覺得可以做既就係搵到個中間點... 從來"愛與被愛"都無一個答案呢, 只要問心無愧就可以了