網誌分類：未分類 |
時間一日一日咁過，個心就一日一日沉重.... 事隔已經個多星期，我係咪已經輸左??? 應該繼續期待定係要死心?
好朋友都遇到問題，但就無辦法可以開解、安慰佢，我只可以係到同佢講，有咩事都要搵我，我會隨時stand by....
人越大就越多煩惱.........
做一份自己唔鍾意既工，愛一個唔知應唔應該愛既人。 係幸運定係不幸?
有工返好過無工返?? 定係要放棄現有既去追求自己既夢想??
究竟愛情係咩?? 愛一個自己愛既人，定係搵一個愛自己既人??? 搵一個我愛佢多D定係佢愛我多D既人呢?? 多與少又點去區分?? 要分既仲係咪愛情???
sorry, 我.... 真係幫唔到你.....
Yan 2007-07-06 11:32
我唔介意等, 但呢個行為著實令人又驚又喜.......
喜係因為滿心期待它的出現; 驚係怕它唔會有出現既一日............
我都想簡單咁生活, 但係現實社會其實一d都唔簡單.
現實同夢想有時唔可以並存 : 現實係殘酷, 夢想係理想既, 咁你又會選擇邊樣?
係我將簡單問題複雜化???? 如果可以的話, 我都想將複雜問題簡單化.... 但我自問而家未做得到.....
森~~ 2007-07-06 11:03
維納斯女神 2007-07-06 10:59
唔係我要比耐性等
係你要比耐性等至真
Yan 2007-07-05 16:31
婚禮????
你放心, 我結婚的話, 點會少左你同Elel呢~~~
但你真係要俾d耐性等下喇.........
維納斯女神 2007-07-05 14:22
恩, 唔駛羨慕, 我知你一定都搵到既, 唔好咁灰, 緣份既野真係好難講既!
它日我一定要見証你既美麗婚禮架, 我等你呀!
Yan 2007-07-05 13:31
但要搵一個你愛同時又愛你既人...... 係咪唔係一件易事??
所以呀..... 維納斯.... 我好羨慕你架~~
維納斯女神 2007-07-05 10:58
世上最完美之愛其實就係愛的同時又能被愛呢!!
維納斯女神 2007-07-05 10:55
我知你開始有d迷網, 人大左, 去到某個年齡, 係開始要搵自己想行既路, 搵自己既目標同理想, 人人必經, 唔再只顧係吃渴玩樂!
我好同意HATA所講既野, 尤其第一句, 幸福與夢想係要自己去追求既, 原地踏步只會一無所有, 地球日日都在轉, 人亦要日日向前行.
聽我講, 搵一個愛自己多於只有你去努力去愛既人係幸福千萬倍, 佢愛你多出你愛佢, 並唔代表大家無愛情存在, 點去區分多同少, 只有你自己去feel, 旁人也不可體會!
HATA 2007-07-05 09:11
幸福與夢想係要自己去追求既, 原地踏步只會一無所有
愛情... 係唔可以分多同少, 只可以分"有"同"無"... 同樣, 愛與被愛既選擇權都係你手上--你會勇於選擇嗎?