側田演唱會08

5號晚去佐睇側田.
聽佐佢啲歌咁耐,都係第一次聽佢唱live.!

個演唱會係九展star hall舉行.
個場好細,淨係坐到3800人.
音響比起紅館一定無得比啦.
而且,現場氣氛都無紅館咁好.
但係,可以見到側田真人,其它野都唔多重要.哈哈.!

個演唱會大概8:45分開始.
開頭個大銀幕有阿田king kong個mv.
講佢好似king kong咁爬上頂樓,然後係頂度跳佐落來.!
就係呢個時候,阿田就跳佐來現場啦!
真係一個好開始!^_^

開頭佢唱佐幾首慢歌,真係好冧啊!
全場人都揮動佢哋手上嘅螢光棒,當然我都唔例外啦!

唱到中場,開始唱快歌啦,呢個位真係好多笑話!
首先係跳錯舞步,然後係跳到鞋都甩埋,超搞笑!
連佢自己都話好high啊!

高潮過後,係嘉賓出場嘅時候啦!
當晚嘅嘉賓係方力申!
佢哋合唱佐一首歌之後,阿田就返後臺換衫啦!
alex唱佐一首佢自己嘅舊歌,然後就交返個臺俾阿田!

阿田出場唱佐兩首歌之後,concert已經去到尾場咯!
真係好唔捨得啊!
當然,全場人都會一齊嗌encore啦!
嗌佐幾分鍾,終於見到阿田出返來啦!
唱佐一首我等佐成晚嘅歌--三十日!
真係好感動啊,好想喊!

總括來講,阿田嘅concert比以前好睇佐,有氣氛佐!
而且可以話成場演唱會都無乜走音.真係好正!
如果有機會我一定會再去睇!
阿田,我永遠支持你!^0^