有人話，呢套戲唔好笑，我就覺得，呢一套唔係笑片，係一套愛情加友情片，重點唔係笑，係情。
一開始，講卡叔同佢老婆個段成長經歷，去到佢老婆死個一幕，我喊，真係好慘，兩口子活到一把年紀，要分開
卡叔對佢老婆個份情，真係現實世界中係搵唔到，唔好叫你去仙女瀑布，叫你帶你老婆去大埔梧桐寨瀑布，你都做唔到啦。而且個份決心，真係要好愛對方先可以有。
卡叔不離不棄，到最後都唔放棄個種精神，我覺得大家應該學下，擇善固執，呢個世界好少人做得到。
仲有卡叔同小飛個份友情，雖然大家意見不合，但最後都排除萬難，達成目標，實在難能可貴。
我覺得呢套戲適合大人睇多，因為有「小朋友」剩係識講「唔好笑」，「笑位係預告度睇曬」，你要睇笑片，咪去睇零零狗，唔好咁膚淺同幼稚，呢套戲深層意義好豐富，唔該大家細味一下。
80元一張飛，當時諗點解會咁貴？雖然係3D，我仲以為好似哈利波特咁得十零分鐘係3D，點知成套戲都係3D，我覺得好驚喜，十分抵睇，而且畫功一流，比之前的pixar系列更進一步﹗
kathy. Je'taime <3 2009-08-04 18:28