網誌分類：西藏 菲旅 |
好心的士叔叔介紹了另一位可以跑山即馬力較強嘅的士大佬帶我哋去日月山, 青海湖及塔爾寺. 哩位的士大佬還導遊上身不停講解旅遊景點, 一路上非常健談. 但我哋國語能力有限, 雞同鴨講, 九唔撘八場面常有發生.
由市中心出發兩個多小時便到達日月山
從遠處便看見有一群穿着民族服拉着犛牛嘅嬸嬸等緊我哋 -- 山上唯一嘅遊客. 車未停定已被圍攻, 但山長水遠難道只在的士內到此一遊?!
只伸了半隻腳出車外嬸嬸就將手上嘅軍用殘破大衣為我哋蓋上怕我哋着涼(租借大衣十蚊), 還將紀念品堆到我哋手中, 我和同行女生喺的士叔叔協助下即時逃跑, 剩下猛男獨自應付. 猛男若無其事地蓋着嬸嬸大衣四圍行, 對於佢哋嘅推銷亳無反應, 企圖脫身......
另一邊廂, 有一群國內遊客殺到, 並對大衣十分受落, 分散了嬸嬸嘅注意力, 令猛男成功脫險.
這個時份日月山風景唔算優美, 遊覧約廿分鐘後離去, 然後再坐兩小時車便達青海湖. 途中經過當地拉鷄山3900米高, 由於地形關係, 天氣變化異常極端, 一時陽光普照一刮起大風雪.
Felix 2007-10-28 00:07
牛仔 2007-10-14 09:22
蘇菲 2007-10-07 01:08