Tibet Free Walking - 與活佛邂逅

來到西寧的最後一站 - 塔爾寺

想像中, 從這裡己可看見群山聳立, 但原來塔爾寺周邊沒什麼景色, 慶幸寺廟本身歷史攸久, 寺內又少有大形修輯,保留了數百年來嘅風貌......

司機大佬極力推介下請了一位導遊小姐, 60蚊就帶我哋行足半日. 導遊小姐還提意帶我哋去見活佛, 仲話活佛唔係人人都有機會見.

見活佛前, 導遊小姐先帶領我哋四圍參觀, 還停講塔爾寺嘅起源, 歷史, 每一座白塔, 寺院的意義. 起初都好有興趣, 但事實上, 聽佢用咁純正嘅北方捲脷國語, 講這些咁學術性嘅歷史背景實在係非常吃力. 行程去到一半, 發覺我哋比佢還要累, 有一半己聽唔入耳, 但慘在仲要繼續聽, 偶然發問一下問題以示尊重.        

跟住導遊一路行, 一路聽, 一路睇, 感覺似上緊久遺了嘅中史堂, 很充實, 更加深咗對藏傳佛教嘅認識.

參觀完畢, 便去見活佛. 見活佛有三寶, 首先是哈達, 一條條巾咁, 白色代表健康, 藍色代表平安, 黄色代表事業及財運, 仲有紅色或佛像圖等. 价錢由最平百幾蚊至過千不等. 哈達作用係憲俾活佛, 然後經過活佛嘅祝福便可帶回家放眈頭底.

其次係香油錢, 好似平時拜神添香油咁, 但最好十蚊以上, 以示尊重. 最後, 如果有佛珠, 水晶等都可以交俾活佛開光.

去到活佛起居室外等候, 越等越多人, 其間導遊教我見活佛禮儀, 頂禮, 跪拜及不可用背脊向住活佛, 即走嘅時候要倒後行. 等了大半個鐘頭終於可以入去喇! 活佛嘅會客室不大, 輪流行完頂禮, 跪拜, 憲上哈達, 活佛會摸下各人嘅頭頂祝福一下, 然後放下香油錢及開光水晶鏈後, 便得到活佛賜座. 與活佛相對而坐感到不自在, 不到十令鐘就可以離場, 如果活佛心情好的話可以影相帶番屋企安放或合照保平安, 活佛得閒仲會幫人算命.