Tibet Free Walking - 一票難求

當晚只有兩女一男, 我哋雖然出路遇貴人, 有位好心的士司機帶路, 但防人之心不可無, 我哋決定留低猛男喺的士, 兩個女仔去買車飛.....

是晚火車站內氣紛寧靜, 只有小貓三四隻喺售票處前, 人唔多, 但佢哋嘅貼身度一啲都唔弱, 絕對唔怕男女授授不親, 更加唔怕批踭, 總之一於秶實你. 俾錢時仲驚, 全車站嘅目光都集中晒喺我哋隱藏喺身上嘅錢包, 可能人哋覺點解仲有人收埋啲錢喺件衫入面, 但我哋就驚到交易完畢即以俾鬼追嘅速度跑回的士.

奉各位小姐們千其唔好學我哋咁扮勁, 買車飛都係留番俾猛男做啦!

這種貼身服務只有喺中國嘅火車站才揾到!

*此圖轉載於國內網站*

淡季期間車票一啲都唔難求, 出售予國內居民數量有限, 售票員同見到個個都話冇飛, 一見到我哋係香港來嘅就有, 仲有位揀呢!