10 Apr 08 第一次日本旅行 Day 4 (上)

真不好意思....我已經分唔出第2日和第3日了...因為由第2日開始,

一連3日都是同一間酒店了...所以,今次說的已經是第4日了...

而這一天都是整個行程最令我們心跳的一日!!!!!!!!

因為是自己活動~雖然未報團都已經買定本[天書]~

都睇左成個月,有定哂所以想去的目標,知道要點去,但...

始終都係第一次去日本,所以難免有點緊張會不會迷路...

最怕的是不知要點問人...不過,這幾天的旅行,

發現日本人的英語都不是別人說的咁差!!我去到都是用英文溝通,

可能我都是半桶水啦...當然都有人唔明我講乜,其實~

我都有另一個準備的了~就是一本日語會話書!!!是問朋友借的啦~

多得有這本書仔,當我有咩事時,都可以係入面找出一啲句子問人地~!!!

第4日是自由活動,我地約左一行10個人齊齊去築地~所以大家都冇因為太累,

而瞓耐啲~相中的全都是我們的團友~!!

事先聲明....這不是我的手掌哦~是我個傻佬啦~!!!!這就是我們的第一張飛仔!!

我地是由千葉開出的!!去到西船橋再轉車!!全都是私鐵哦~

我身旁的是曹生曹太~佢地人品好好的~曹生說話十分風趣!!!好搞笑的~

傻佬旁的是葉生~其餘3位...我忘了問佢地點稱呼....不好意思.....

轉車時要再買飛去築地的~佢地唔係買邊個站的飛,而係果個站要幾多錢的~

塔左差不多1個小時多私鐵,終於到左喇~好開心!!!!!

有幾個團友都買左隻毛蟹,話晚上返酒店用個煲水的煲滾諒佢來食.....

我就冇買了...平就的的確確平過導遊幫團友買的平好多~不過...好似太麻煩了...

粒帶子係唔係好大粒呀~~我超愛食的哦~~

我地都買左一些東西做宵夜~下一個post再話俾你地知~!!!

行完濕貨,我地再行乾貨~行行下就有人發現有好大隻扇貝食~

都係250日買~我地齊齊食~扇貝仲大過我個口!!!

係這裡~吸引住好多團友~我自己覺待好特別~都有好多本地師奶買回家食的!!

到了下午,我地去左這個地方食lunch~

咁大個女都是第一次食靚嘢~左邊的是大拖羅,右邊的是海鰻,

傻佬邊食邊讚嘆,又說好甘甜好多油脂...等等...但...芍 我來說....好似冇乜分別...

但係海鰻就真的好好味!!!

這就是我們最主要食的魚生飯又名海鮮飯~同香港的...冇得比!!!!正!!!!

之後我們2個同團友們分閞出發了~向秋葉原出發!!!!!

因為係築地買左唔少嘢,所以係私鐵出口處租左個300日圓的looker~

這就是傻佬來秋葉原的目的!!!!!佢逗留這個地方...都差不多1小時....

街外都有looker~仲平左100日圓...睇到之後...個心有點不是味兒...

佢地電玩,漫畫,同人誌等等....好多都是已一大棟大廈的形式的~好特別!!

真的好有風味~

行完之後我們係附近食左個390日圓的咖啡豬扒飯...仲唔識字咁...加左一塊扒...

因為當時傻佬唔信一個飯有埋豬扒都咁平,怕到時得飯同咖啡...所以就另外用150日圓加一塊了~

<<待續>>