第一日番工...

琴日系实习...其实今日先系正式的第一日番工....

我10点钟就到左铺头...不过...10点半我先入到去...因为无人开门....

依度就系甘free...无咩纪律...哈哈...有D甘的老细真系几好...

今日第一次见阿兜(唔系果个阿兜)...女仔黎噶...好nice...仲教我拉茶添...

不过今日无咩客...我唔系冲左好多杯野...

讲真...真系有D闷...同Human煲左一阵电话...都依然系觉得闷....

阿兜系度睇电影(psp)...阿杰就上Q....我好似多左出黎发毛噶甘...

不过我唔会比阿妈批中噶...距话我只可以接受生意好...生意唔好我就会叫闷..会走佬...我无走佬啊...仲坚持到落班....

系度要多谢face接我收工....

睇黎听日要带部快译通去背单词先得...我系米好好学呢?

其实我真系果D唔可以得闲的人...得闲就会身痕...

会乱捻野...会癫...

所以我第日一定要揾一份好忙噶工先得...

其实我真系有D怕做唔到设计...

以前我一直都无担心过...但系今年开始...我就怀疑自己....

所以先不断想考试...

可能睇得展览太多了...见到太多靓野...知道自己D设计有几水皮....

不过...都系会向依个方向努力...希望可以提升多D啦....

ps...初中的回忆要停两日...因为依家有D忙...而且心情唔系几好...费事破坏个古仔啦...