心痛

2009年7月20日, 星期一

昨日如常帶SaSa落街散步, 落毛毛雨都有幾個SaSa既老友記出咗嚟玩。 人唔多又無單車就放SaSa自由行, 係我啱啱處理完Sasa既大事, 遠處傳出好多狗吠聲。我以為只係小事，無特別為意因隻隻狗仔都識, 又係乖既小朋友，就無捉住SaSa, 但事情並非我係想。

街坊轉述原來有一男一女拖住一對新嚟既比熊, 點知嗰隻男比熊先咬住poodle(毛毛)隻腳唔放直至poodle主人去救佢, 隻腳即見紅。其他小朋友都一齊woo, 而SaSa飛跑去幫拖Woo佢, 我邊走邊叫都stop佢唔住, 點知SaSa比隻女比熊攻擊打咗個跟斗, 我跑去捉反住佢, 仲鬧咗佢一輪做"架兩"。之後一男一女2狗繼續企係到無走, 另外一隻好乖既poodle(老豆) 行近隻男比熊佢聲都唔聲一啖咬落poodle塊面就無咗成"執"毛。當時一男一女都唔出聲, 又無揸實條繩, 而三次事件都無say sorry 仲好似無事發生咁！之後絲絲然走咗！激死！！

我返到屋企同SaSa洗腳先發現右眼皮上下都有血痕, 好近眼珠, 我真係心都亂埋, 勁心痛, 就自責無好好保護佢, 攪到佢受傷！好彩搽咗三次之前医生比既藥膏好返好多, 唔通真係唔可以自由行？？ 

點解主人知道自己狗狗有攻擊行為而唔捉緊條繩，一而再, 再而三令他人受傷呢？？

上上策都係睇實SaSa, 香港奇人多！！