泰國hea之旅-day 5 (final)

終於講到最後一日, 當然要最後衝刺啦...

我同老公一齊去游下早水, 游完水, 我要爭住沖涼先, 因為我要再出去shopping 一下, 住市中心超方便, 鍾意出去就出去, 唔使下下搭車, 老公都放心d....我地約好左11:30係big C 等, 買多少少野, 就返酒店執野....

我去左行多次

又買左D 蝴蝶袋, 因為擒晚太多人, 根本睇得唔開心, 早左去, 雖然D Staff 執緊貨, 有d 亂, 但都總算揀得痛快d......好快買完, 又到big C 會合老公, 由於之前個晚買唔到"林真香", 我地最後係BIG C 再買D 野, 諗住當手信....買得滿載而歸........

係酒店門外, 再買個飯食, 又係老公最愛"豬手飯"...Check out 前最後一餐, 其實只係食返之前買o既野, 我地買左好多野, 但每晚都太飽, 食唔落...

(是日午餐: 有豬手飯, 豬頸肉, 芒果糯米飯, 哈密瓜, 仲有乳酪)...好彩酒店有微波爐, 叮一下, 就食得...正)...食呢d 野, 居然都食得飽...

要最後執野, 由於我地check out 時間係2:00, 我地用九秒九執野, 然後去check out...超快手, 2:20離開酒店, 個的士司機叫我地B400 (包Subway fee), 我同老公計過都係唔好, 叫佢by meter, 結果, 慳返好多, 個的士有心騙我地.....

去到酒店, 時間尚早, Check in, 老公話不如坐落食下野, 飲杯野, 其實都唔肚餓, 但冇所謂, 去左泰國非常出名, 但我地係機場先試o既餐廳..

一人一杯mango tango....好好味...

叫左個炸蝦春卷..

柚子沙律, 好其怪, 去左泰國五日, 都冇柚子沙律食, 要係機場先試到...真係好好味..

而老公繼續玩個部機, 咁我睇雜誌吧..

坐左一下, 我決定行下, 機場d 野都冇咩興趣買, 但今次見到個好可愛公仔, 但冇買到, 影張相留念....

再見泰國, 唔知幾時黎探過你.........好掛住d 野食......