Wedding Out Job

星期日朝早5點幾就要起身, 因為今天有機會和Suki拍住擋一起出去做婚宴既 Out Job, 所以心情好興奮. 相信除了去旅行, 平時都好難會咁早起身呢 !

今天我會幫奶奶化妝set 頭和伴娘set 頭 , 早上的化妝總算順利, 9點幾就搞掂, 所以去了食早餐, 因為要等到4點鐘才須回酒樓, 嘩… 仲有咁多個鐘頭, 點算呀…去邊好呢 ? 於是我地就由佐敦步行到旺角shopping, 點知去到雅蘭商場時, 才發現成條彌敦道封了,  跟住就見到前面成個天都係煙, 兩旁既大廈全部都被煙遮蓋, 一D都見唔到, 只見街上有好多救援車和警車. 當時我地都唔知原來係咁嚴重, 仲非常好奇行上前八吓究竟發生咩事. 當時都係11點幾啫, 於是就去了H&M 和附近shopping centre 行街, 好快就行到成3點先食午餐.  離開時條街仍然係封鎖, 當時我都估到一定有好大件事發生左了 : (

到了酒樓便馬上幫她們補妝, 其實今次幫奶奶set 頭好緊張, 因為她要求把頭髮set 晒上去, 但有d頭髮不夠長, 所以有d無從入手, 好擔心會整得唔好. 好彩咁啱Suki有時間, 可以幫她set 頭, 最後可以鬆口氣了 !　

雖然今天我地要逗留到最後11:30才走得, 時間咁長仲加上成日行街, 隻腳真係幾攰呀, 不過興奮既心情都會把所有既攰通通忘記晒呢．．．！　

今次我真係非常之感謝Suki比機會我接呢個Job, 可以有機會真正睇吓自己既能力, 最重要係可以係實戰中在她身上學到好多在課堂上學唔到既野…..真係非常之有用啊 !

Suki ….非常之多謝你呀… 希望下次再有機會跟你學野啦