training3呢幾日train我細仔,今日終於成功了!跟大家分享下!(之前嗰d係二女以前嘅資料)
我由14/4開始,最初諗住只係叫工人姐姐keep住d時間,試下試下先,我定咗小睡:10:00am-12:00pm 同 2:00-4:00pm,其實唔係太好,但要就家姐d時間,其實3:00-5:00好d,但工人姐姐有時要帶大家姐及揹細bb去接二家姐放學(有時我趕唔切接至要佢)
但細b都可以跟呢個時間,就照試!
14/4當日上午唔俾奶咀喊咗半小時,瞓1.5小時,下午姐姐有俾奶咀都肯瞓,喊幾耐無record,晚上我放佢上我張床(平時都同我哋瞓),喊咗半個鐘,都唔肯瞓,後來我俾咗奶咀,因為佢識爬出黎,好危險,我有幾次在床邊抱翻佢入去,所以諗住第日預備好d再開始(因飲人奶瞓,所以在我身邊方便d)
15/4開始放落bb床train(第一次瞓bb床,所以佢同時要適應幾樣嘢),早上又係喊30min,下午無瞓,晚上9:30pm放床,喊5min,安慰,喊7min,安慰,喊9min,期間爹爹好唔忍心,因佢喊到沙聲,問我佢有無病,怕唔怕,我都無理佢。後來都瞓咗,半夜1:00pm醒過,我餵佢飲奶,放返落床。
16/4零晨5:00開始喊(中間有安慰),喊到5:30餵人奶,餵完放返都唔瞓,喊到7:00,抱佢起身。
早上10:00喊30min瞓咗,下午無瞓,下午至晚上期間成日"恰眼瞓",但都唔俾瞓,(本來我要返學,10:00先至放學,剛巧大女發燒~40度,所以同
老師
講早走)
晚上我9:30返到即刻
餵奶
,食飽放落床,喊咗幾分鐘就瞓咗,佢實在太眼瞓(中午12:00後到晚上9:30先至有得瞓)
到第二朝5:45am醒,我等佢喊咗10min,
餵奶,食飽放翻,喊5秒瞓咗,7:00am再醒,無喊自己在床上玩。
最艱辛嘅幾日過去了,初步算成功!二女嗰時都係,到第二三日喊得最勁,之後就好好!
我尋晚可以一覺瞓到今朝(17/4)5:45(bb都係未試由9:45pm-5:45am無醒過,8個鐘),好耐未試過!我要返工,之前一晚醒幾次我同佢都辛苦!我每晚都做人肉奶咀!
希望大家一齊努力!(寫得好亂,因在公司,唔方便打太耐!)
尋晚9:20放落床,喊到9:25瞓咗,瞓到今朝7:25,其實6:00自己醒過,但自己又瞓翻(如果係以前,每次醒都要食人奶或奶咀先可瞓翻)
～～～～～～～～～～～～～～～～～～～～～～～～～～～～～～～～
training4
我睇呢本書係<寶寶睡得香的秘訣>,簡體字,當時喺香港書城(中華書局)度買,出版社資料要返屋企先至有,佢係一本德國最受歡迎的有關兒童睡眠的書籍,(銷量當時超過75萬冊),其中一位作者係一位醫學博士,曾在兒童睡眠研究中心研究;另一位作者係行為治療師,主要做"睡眠障礙治療",但個bb係要健康同最少六個月大。
我信呢本書唔係因為佢哋係專家，而係佢哋真係實際每日都接觸好多ｂｂ，以一個較客觀嘅角度去治療ｂｂ嘅睡眠問題，正如ｂｂ有病或受傷，就好難叫媽媽去同自己個ｂｂ打針或洗傷口，因為一定唔忍心，ｂｂ都一定會哭成為淚人！但治療過後就更健康！
用呢個方法嘅ｂｂ絶大部份ｂ都成功，因為搵得佢哋嘅就係嚴重ｄ嘅ｃａｓｅ，父母嘅決心就大ｄ！
其實普通ｄ嘅睡眠問題就有ｄ唔同，唔治療都得，急切性無禁大，父母寧願自己辛苦ｄ，抱住ｂｂ、用多ｄ時間陪．．．用其他方法都可以頂住先，不過經過睡眠治療嘅ｂｂ之後嘅睡眠質素有好大嘅改善，唔駛半夜醒又要用其他方法先至肯瞓，而係自己瞓返，精神會好ｄ！
希望幫到各位!
aroma 2009-07-27 21:01
巴魯坦星Yan2009-07-28 13:01