K之夜

在上個星期六(12日)，夜晚七點鐘約了friend到尖沙咀港晶唱K buffet！都好耐沒有來這間，已經裝修過，話不定係好耐之前的事了，毫無疑問裝修完係靚D的！去到了取房，因為沒有細房，就俾了一間可以容納廿幾三十人的party房我地！入到去真的"嘩"一聲，唱咁多次K，有史以來，今次係最大的一間房囉！因為四面牆都有電視機，天花上有好靚的水晶燈，最搞笑係有一個迷你舞台，上面有一些夾band用的設施，結他同鼓等，不過係唔用得的，但都好過癮，在K房都影不少相呀！

食物方面，這間都算甚麼都有，有平時食開的餸菜外，另外有日本壽司魚生，又有打邊爐食，還有不少得甜品雪條，重要係孖條架，真係好豐富呀！不知是否又食又影相的關係，時間總是過得很快，十點鐘就要埋單，大家都覺唱得不夠喉！我地七個人，唱三個鐘，每人平均要$180，聽起來好像有點不划算，但可能這天是星期六，加上buffet質素高，而且這個時勢，樣樣都通賬，連消費指數都高了，所以都要喇！