媽咪的新玩具~~

好開心呀！老銅祟光做緊大減價，呢隻鑊原價$932，現只售$298咋！不過你地唔使仆去買喇，因為限售100隻，而家應該都已售罄！尋日睇到報紙廣告時媽咪幾乎想請半日假去買，好彩爹地今日返夜更，可以幫我代努，唔該晒你呀爹地！據聞10:00開門，爹地10:10打俾我話攞咗個44號籌，嘩…再晏啲咪…食白果﹖媽咪舊年就係咁，諗住放飯時即搭地鐵去買，點知…咪就係送車尾，得返個全部售罄既牌喺度之嘛！

其實媽咪未用過呢隻鑊，只係因為媽咪個媽咪強力推介，婆婆兩、三年前貪新鮮買來玩吓，用後超讚，仲四圍介紹俾親戚朋友添！佢話煎煮都唔使落油，又唔黏底清洗容易，仲唔怕刮花…，婆婆話當年賣成 $6xx 一隻架。最記得佢新年用來煎年糕蘿蔔糕真係一滴油都無落，但煎出來係香口得來一啲都唔油膩。而且食譜話可用來焗蛋糕、鹽焗雞、炒糯米飯…，唔知可唔可以焗麵包架呢﹖

同場加映︰大小天天近期生活照，都好似好耐無更新網誌囉！