五週年

又到聖誕、又到聖誕……聽到四周圍都播緊呢隻歌，即係話好快就係爹地媽咪嘅結婚紀念日﹙平安夜﹚，唔經唔覺爹地同媽咪已共甘苦了五個年頭，睇返轉頭真係有好多轉變。
無論係外表、角色、性格、生活習慣、價值觀……等，都跟五年前有所不同，唯獨彼此對家庭嘅重視始終如一。
打從結婚那天開始，媽咪一直都覺得能夠嫁俾爹地 ，係天父嘅一大恩典！爹地不單止包容晒媽咪所有嘅缺點，仲好有耐性咁不斷提醒媽咪添，須知到媽咪嘅EQ係極低 ，真係冇返咁上下愛心與智慧都未必頂得順 。媽咪亦喺爹地身上得到好多啟發，大部份嘅轉變都係由此而來，令媽咪整個人都成長不少，多謝爹地！期望我地以後有好多好多個甜蜜嘅五週年！