東京之旅 ~ 第一天 (Oct 21, 2009)

出發喇……

六點九起身, 七點半出門口, 八點半集合, 十點九起飛

入到候機室, 當然要即刻搵 Disney Shop 啦,

不過佢所有產品都係來自迪迪尼樂園,

大部份 Eeyore 我都有喇, 都好, 唔使拎!!

個飛機餐都唔錯丫, 最好食係0個兩件小蛋糕!!

去到日本, 已經四點幾喇, 開始天黑,

第一站係台場,

0係 Venus Fort 行街, 遇到有個好熱心0既職員,

佢見到我地, 就用普通話同我地講佢係台灣人,

問我地係咪香港人, 仲簡單介紹左成個商場有咩特別俾我地添!!

搵到間好開心0既舖頭 < Kiddy Land>,

好多鬆弛熊呀, 即刻買番幾份小禮物俾小朋友先!!

日本0既 Disney Store 係我地目標之一,

佢賣0既產品, 同樂園入面0既係唔同0架,

所以, 我一定要掃貨!!

晚餐係團包0既, 不過用現金券代替,

呢三張現金券, 全日本通用, 買咩都得,

我地就去左 food court 食炒麵 & 燒墨魚丸,

即叫即整, 真係好好味,

是日晚餐, 只需兩張現金券, 慳左一張, Yeah!!!

到此一影的彩虹橋

第一晚酒店 <台場有明新樂都酒店>

有按腳機呀, 哈哈...  窗外景觀一流, 望住摩天輪呀!!!

玩玩下按腳機, 我突然流鼻血喎,

我同游生講, 一定係我按中左鼻血穴呀, 哈哈哈,

白痴, 日本勁乾燥, 流鼻血好正常!!