東京之旅 ~ 第三天 (Oct 23, 2009)

食早餐要排隊等位, 我都係第一次,

食物款式同尋日差唔多, 不過游生話個奄列幾好味喎!!

 

 

 

第一站係平和公園, 呢個地方好舒服, 好乾淨,

我覺得我好似晨運客咁囉, 哈哈!!

而家0岩0岩開始有紅葉, 好靚呀... 

 

 

 

架車差唔多去到富士急, 已經見到佢地個勁大過山車,

我當然唔會玩啦, 咁激!!

 

 

入到場, 首先就食個午餐先,

就係呢個海鮮鍋喇...

 

 

食飽飽, 開始去玩喇,

我地0既目標係 <高達館> & <鬼太郎屋>,

買左好多無謂野!!

 

 

去完富士急就起程返酒店,

嘩…… 要轉細車上山, 果然係富士山區, 好偏僻呀!!

 

 

第三晚酒店 <富士山區山中湖新星溫泉酒店>

呢間係一間好傳統0既溫泉酒店,

訓榻榻米, 細細間房, 不過, 未至於傳說中咁恐怖!!

見到電視機上面有張XX廣告紙充滿住白色的乾涸物,

咦………好變態呀, 連張紙都唔放過, 好肉酸呀!!

我同游生都冇去浸溫泉, 始終唔多習慣與外人肉帛相見!!

 

晚餐係酒店內的自助海鮮火鍋餐,

所有海鮮已經放入鍋內, 出面只供應了少量熟食,

所以, 是日晚餐, 就係天婦羅海鮮烏冬!!

 

 

晚餐後發生左突發事件,

我地有個團友(小朋友)唔舒服,

要即刻 call 白車上0黎,

但係白車只可以坐一個人,

爸爸上車, 媽媽冇得上, 爸爸又唔識日文,

醫護人員又唔俾領隊上車,

擾攘左一輪之後, 終於可以俾埋領隊上車,

好在當時有隔離團的領隊幫手講,

而且酒店有一位職員是識講國語的,

如果唔係, 得我地領隊一個人講, 都唔知點算!!

後來, 白車到達醫院之後,

佢地就打電話回來告知位置,

再由國語人送媽媽過去,

之後, 佢地一家就冇再歸隊喇,

聽講佢地要即刻安排飛機返香港呀!!

希望小妹妹冇事, 快 d 好番啦!!