東京之旅 ~ 第四天 (Oct 24, 2009)

其實我尋晚真係冇咩點訓過,

游生知我驚, 所以佢好努力咁撐住眼訓,

等我訓著左先訓, 點知, 佢一訓著, 我就即刻醒左,

仲要係訓唔番添, 成晚好清醒, 訓極都訓唔到,

不過, 都唔知有咩好驚, 根本咩事都冇,

最衰之前聽左咁多故仔啦, 搞到我自己嚇自己,

可能就係咁樣成晚冇訓, 我就病左喇,

喉嚨又痛, 又流鼻水, 真係慘!!

 

間酒店咁傳統, 我仲諗住要食白粥白飯納豆做早餐添,

點知唔係, 又係早餐A, 原來日本酒店日日都係食呢幾樣野,

不論係時髦的或是傳統的酒店… 唉…開始有 D 悶添!!!

 

 

出發去 Hello Kitty Land, 經過國立市呀,

咦…… Jima-San 屋企咪就係國立市囉,

原來我地會經過呀,

Ohayo Jima-san, Tomoko-san & Nodoka-chan ^0^

 

 

一入到場, 就見到哈佬米喇, 排隊影相先!!

隔離仲有 hehe 添呀, 佢一身Halloween 打扮, 好可愛呀!

好多謝 Miracle個爸爸, 佢真係好好人呀,

特登等埋我地排到去影相時幫我地影合照, 真係唔該哂呀!

 

 

團餐又係派現金券呀, 每人一千,

不過一開波就俾我買哂野喇!!

我地上左去間餐廳食野, 因為佢所有餐具都可以拎走!

 

 

去到幕張 Outlet, 亦都係我地成個旅程落雨天0既開始喇,

一落雨, 就更加凍喇!!

好在已經差唔多尾聲先落雨, 唔係就掃興喇!!

 

講到行 Outlet, 我地兩公婆對名牌野興趣不大,

所以一聽完領隊話有100Yen店, 仲唔即刻衝去買野咩,

掃完100Yen店, 循例都行一行名店啦,

都預左冇收獲0架喇, 哈哈哈……

 

 

晚餐就0係銀座食燒烤餐,

呢間餐廳好多人, 有 d 搶食0既感覺呀!!

我喉嚨又痛, 又流鼻水, 冇咩心機食野,

食左少少就收手喇!!

仲有呀, 呢度個廁所, 係我去日本咁耐, 最污糟最臭0既廁所!!!

 

 

第四晚酒店 <池袋太陽城太子酒店>

呢間酒店好出名, 好多自由行都會住呢間,

 

因為夠哂方便, 行過去就係池袋60通喇,

我地上房放低野之後就跟大隊出去行街,

唉…… 又夜, 又凍, 又落雨,

如果唔係為左到此一遊, 我地都費事跟出來呀!!

好多舖頭都已經關門, 好在趕得切行藥房,

行完之後, 去睇睇夾公仔機,

所有公仔都唔吸引, 好野, 慳番,

返酒店執行李, 今晚係最後一晚, 有排執呀!!!