東京之旅 ~ 第五天 (Oct 25, 2009)

又係早餐 A 呀, 今次係最後一餐早餐,

等我拎盒納豆入0黎挑戰先,

點知, 真係好核突, 都係唔好放入口,

費事今日全日都反胃!!

 

食完早餐 A之後, 就出發去淺草雷門...

落雨濕濕, 我又唔舒服,

搞到我本來好有興趣0既仲見世商店街都冇哂 MOOD 行呀,

D雨又大滴, 唔可以唔拎遮喎, 我行行下仲流鼻血添,

未0黎之前, 我對呢度0既興趣係 100% (簡直充滿祈望),

點知落雨, 搞到我個 MOOD 跌到落50%,

而家我仲流鼻血添, 個指數直情跌到落10%呀!!

好啦, 就用僅餘的10%, 去努力洗錢啦,

雖然冇心情, 不過我地都逐間舖行,

一見到可愛, 得意, 就買喇!!

 

去到田崎珍珠, 真係好彩佢地兩間房都有其他團用緊,

我地冇房用, 唔使聽講座呀, Yeah……

大家行左一陣, 真係好一陣0架咋, 應該有五分鐘啦,

就不約而同咁上哂車喇, 比起集合時間早左半個鐘呀!!

相都冇影一張添, 真失敗!!

 

終於到銀座喇, 亦都係我地呢個東京之旅0既尾聲喇,

好在有間玩具博品館, 我地0係入面玩左好耐呀,

收穫都唔錯...

 

0係銀座搵野食真係好慘, 一間快餐店都冇...

游生醒起之前睇過旅遊書,

記得附近好似有間平平地0既大眾食堂,

好啦, 就去呢間食啦...

我叫左個牛肉飯, 游生就叫左個魚生飯,

都幾好味丫!! 最緊要係平丫嘛!!

 

食飽之後, 我就去左 Uniqlo 買左兩件衫 + 一件褸,

好開心呀, 件褸係深紫色0架...... ^0^

 

好快就到羽田機場, 我地要返香港喇!!

下次我要再0黎過東京 ^0^

因為我唔舒服0既關係, 呢程飛機真係零舍辛苦,

成個飛機餐, 我只係食左盒沙律同少少白飯,

不過到最後都係嘔番哂出來,

我總共嘔左三次呀, 好辛苦呀,

企住0係廁所門口, 唔夠膽行開呀,

空姐俾杯暖水我飲, 我飲完, 又嘔過,

其他人可能以為我有左, 哈哈, 所以嘔得咁勁!!

我都未試過坐飛機會耳仔痛,

今次終於試到, 嘩... 已經唔舒服,

耳仔痛一痛, 更加唔舒服!!

 

好在我地回程係零晨機, 機場 CHECK 得冇咁緊,

如果唔係, 睇見我咁樣, 捉我去檢查就大獲!!