美食展

今日救完個頭之後,

我地就約埋小貓兩公婆一齊去美食展喇!!

由於想避開多人時段,

所以我地選擇夜 d 先去,

成七點先入場呀, 雖然都係好多人,

不過一定比起下午少人好多好多0架喇,

起碼由地鐵行去會展時, 唔使兜去華潤先啦!!

始終最多人都係一樓, 因為大部份牌子都0係度,

迫左一輪, 就上三樓行埋第二個美食展覽區,

之後就順便行埋潮流精品展,

不過三樓呢兩個展區真係勁廢, 不行也罷!!

早知行多陣一樓仲好!!

今次美食展0既收獲,

就係 12 支 500ml 利賓納, 埋單 $30 咋, 勁抵!!

$10 蚊 4 支, 買 $40(一箱) 多送 5 支,

即係 $40 有 17 支呀!!!

小貓就出左 $10 買我 5 支散裝,

我地將個箱拆開, 一支一支咁放入背囊, 好重呀!!

如果而家唔買左先, 又驚一陣冇哂喎,

所以算啦, 都係買左先穩陣!! 哈哈...

另外, 我地仲買左兩包麵豉湯粉, $35/兩包,

入面有 8 小包, 唔知好唔好味呢??

原來行夜場真係可以少人 d,

出年可以再夜少少先行,

因為我地八點幾走0個陣, 已經冇咩人入場喇!!